Papa Franġisku jilqa’ l-Assemblea tal-Moviment tal-Fokolari f’udjenza privata Margaret Karram u Jesús Morán, il-President il-ġdida u l-Kopresident tal-Moviment tal-Fokolari, flimkien ma’ xi membri tal-Assemblea ġenerali,ser ikunu milqugħa f’udjenza minn Papa Franġisku. Il-parti l-kbira tal-parteċipanti ser tkun kollegati online.
Għada, 6 ta’ Frar 2021 f’12.00, Papa Franġisku ser jilqa’ l-paretċipanti tal-Assemblea ġenerali tal-Moviment tal-Fokolari f’udjenza privata. L-Assemblea tintemm il-Ħadd 7 ta’ Frar.
Ser tkun Maria Voce, li għadha kemm temmet il-ħidma tagħha ta’ president, li ser tippreżenta lil Margaret Karram, il-presidenta l-ġdida lil Papa Franġisku. Id-diskors ta’ indirizz u tislima lill-Papa, ser tagħmlu Margaret Karram.
Imbagħad il-Papa ser ikellem lil dawk preżenti u lill-parteċipanti li jkunu kollegati bl-istreaming.
