The diocesan phase of the Cause of Canonisation and Beatification of Chiara Lubich, founder of the Focolare Movement, ended on Sunday 10^th November. Over 500 people filled the Cathedral in Frascati (Rome) where the last session of the Diocesan inquiry took place.

Participants included Cardinal Tarcisio Bertone, the President of the Focolare, Maria Voce, and the Co-President Jesús Morán, some relatives of Chiara Lubich, two representatives of the Orthodox Church, several mayors of towns in the Lazio region, priests, lay people, men and women religious, as well as many friends who knew Chiara and the charism of unity of the Focolare.

In front of the altar stood a table on which were 75 boxes containing all the documentation that will be delivered to the Congregation for the Causes of Saints at the Holy See, where all the documents will be further studied and evaluated.

The ceremony was presided over by Rt Revd. Raffaello Martinelli, Bishop of Frascati, who summed up the work done collecting testimonies and material over these last few years saying, “The Holy See and the diocesan process must highlight the heroic nature of the person’s virtues, not simply their goodness, but their heroism. This is what I asked for from the beginning, also in the testimonies. We must demonstrate how Chiara lived the heroism of Christian virtues, that is, the theological virtues (faith, hope and charity), the cardinal virtues (prudence, justice, fortitude, temperance), and a whole series of virtues derived from those”.

In his report, the Episcopal Delegate Msgr. Angelo Amati noted that 166 witnesses were also heard during various journeys, such as those to the Dioceses of Rome, Albano and Fiesole (Italy), Lausanne-Geneva-Fribourg (Switzerland), Augsburg-Ottmaring and Bamberg- Nuremberg (Germany), Westminster (England), Ghent and Brussels (Belgium) and two letters rogatory: in Bangkok (Thailand) and Ljubljana (Slovenia). “Bishop Amati emphasised that the investigation concerned Chiara’s life, virtues, charism and specific spirituality, together with the theological themes presented such as: unity, Jesus forsaken and Jesus in the midst; on the foundation of the Work of Mary (Focolare Movement) and inter-church and interfaith contacts. A total of 35,057 pages have been collected, in 102 volumes “which contain various types of material (testimonies, letters, published and unpublished documents, writings, diaries, etc…).

There followed the declaration of the Promoter of Justice, the Revd. Joselito Loteria who, together with the Notary, Patrizia Sabatini and the Episcopal delegate, forms the diocesan tribunal established for the Cause of Chiara Lubich. Then Bishop Martinelli read the decree of closure of the diocesan phase and named as “Bearer” Dr Daniel Tamborini, who will have the task of delivering the documentation to the Holy See.

Then followed the oaths taken by the Bearer, Bishop Martinelli and all the members of the diocesan and postulation tribunal – the Postulator Rev. Silvestre Marques, the Vice-Postulators, Dr Giuseppina Manici and Dr Waldery Hilgeman and the signing of the closing session report.

The most significant moment was the closure and sealing of the last 3 of the 75 boxes containing the 35,000 pages.

“Our only desire now is to offer the Church, through this extensive documentation, the gift that Chiara was for us and for so many people,” said Maria Voce, President of the Focolare Movement, in her address in the Cathedral. In responding to the charism that God gave her, consistently, day after day, journeying on and tending towards the fullness of Christian life and the perfection of charity, Chiara did her utmost so that this path of Gospel life to be travelled by many, in an ever renewed determination to help those she met to put God first and “become saints together”. Her gaze and her heart, as has now been shown, were moved by a universal love that was able to embrace all people beyond all differences, always striving to fulfil the testament of Jesus: Ut omnes unum sint.  It is a cause of joy for all of us to know that now the Church will study and evaluate the life and virtues of the Servant of God, our beloved Chiara.

The Diocesan process
The diocesan phase of the Cause of Canonisation and Beatification of Chiara Lubich began on December 7^th 2013, just over five years after her death on March 14^th 2008. On that occasion the petition to start the Cause was officially signed at Castel Gandolfo. The first testimonies to be heard were the eyewitnesses who knew her from the earliest times of the foundation of the Focolare Movement.

Subsequently, Bishop Raffaello Martinelli consulted the Bishops’ Conference of Lazio on the advisability of starting the Cause, and obtained a positive opinion. The Bishop then established a Commission of three experts in historical and archival matters who had the task of collecting all unpublished material concerning Chiara. Bishop Martinelli then appointed three theologians who examined the published writings. On 29^th June 2014, the Holy See granted its Nulla Osta to the official opening of the Cause.

On 27 January 2015, the opening ceremony of the diocesan phase took place in Frascati Cathedral, which ended on 10^th November 2019.

Lorenzo Russo
Focolare Movement Communication Office

Published on: www.focolare.org

Download pdf

“Ifirħu ma’ min jifraħ, ibku ma’ min jibki” (Rum 12, 15).

Wara li l-appostlu Pawlu wera lill-insara ta’ Ruma d-doni kbar li Alla ta lill-bnedmin permezz ta’ Ġesù u l-Ispirtu s-Santu, hu qalilhom kif għandhom iwieġbu għall-grazzja li  rċevew, l-aktar fir-rabtiet ta’ bejniethom u ma’ kulħadd.

San Pawl stedinhom biex ma jibqgħux iħobbu biss `il dawk li jħaddnu l-istess fidi tagħhom imma biex, kif jgħid il-Vanġelu, iħobbu `l kulħadd, għax għal min jemmen, l-imħabba m’għandhiex limiti.

Xi ħaġa tassew interessanti: il-ferħ hu l-ewwel ħaġa li naqsmu ma’ ħutna l-bnedmin. Tant hu hekk li San Ġwann Griżostmu, wieħed minn Missirijiet il-kbar tal-Knisja, jgħid li meta jkun hemm l-għira jkun aktar diffiċli li naqsmu l-ferħ mal-oħrajn milli naqsmu magħhom it-tbatija.

L-għixien li qed jitkellem dwaru San Pawl jista’ jidher bħal muntanja li diffiċli wisq   titlagħha, bħal quċċata li impossibbli tilħaqha. Iżda min jemmen jista’ jwettaq dan l-għixien għax twieżnu l-imħabba ta’ Kristu, li xejn u ħadd ma jista’ qatt jifridna minnu (ara Rum 8, 35).

“Ifirħu ma’ min jifraħ, ibku ma’ min jibki”.

Meta Chiara Lubich kitbet dwar dan il-kliem ta’ San Pawl, hi qalet hekk: “Jekk irridu nħobbu b’mod nisrani jeħtieġ ‘insiru ħaġa waħda’ ma’ kull  wieħed minn ħutna […]: nidħlu fil-fond tar-ruħ tiegħu; nifhmu sew il-problemi u l-bżonnijiet tiegħu; naqsmu miegħu t-tbatijiet u l-ferħ; nitbaxxew quddiemu; irridu b’xi mod insiru ħaġa waħda miegħu. Din hi l-ħajja nisranija; Ġesù sar bniedem, sar wieħed minna biex lilna jagħtina l-ħajja t’Alla. U meta aħna nsiru ħaġa waħda mal-proxxmu tagħna, il-proxxmu jħossu mifhum u mgħejjun”. (1)

Hawnekk għandna stedina biex “insiru tassew ħaġa waħda mal-oħrajn” ħalli nkunu nistgħu nuruhom imħabbitna. Forsi l-aħjar eżempju ta’ kif għandna ngħixu din il-Kelma tal-ħajja nsibuh fl-imħabba tal-omm: l-omm taf taqsam il-ferħ ma’ binha li jkun ferħan u taf tibki ma’ min ibati, bla ebda ġudizzji u preġudizzji.

Hemm sigriet li jgħinna biex inkunu nistgħu nħobbu b’dan il-mod, bla ma ningħalqu fl-inkwiet u l-interessi tagħna: l-għaqda tagħna m’Alla, ma’ Dak li hu l-istess għajn tal-Imħabba; u din l-għaqda rridu nsaħħuha. Jingħad li l-firxa tal-friegħi ta’ siġra hi kbira daqs il-firxa tal-għeruq tagħha. L-istess nistgħu ngħidu għalina: jekk ir-rabta tagħna m’Alla nsaħħuha kull ġurnata, allura fina tikber ukoll ix-xewqa li naqsmu l-ferħ u nġorru t-toqol ta’ dawk ta’ madwarna; qalbna tinfetaħ u nsiru dejjem aktar kapaċi nilqgħu `l ħuna b‘dak li hu jkun qed jgħix f’kull mument. Imbagħad din l-imħabba lejn ħuna twassalna biex nidħlu f’rabta dejjem aktar intima m’Alla.

Meta ngħixu b’dan il-mod naraw l-ambjent ta’ madwarna jinbidel, ibda mir-rabtiet fil-familja, fl-iskola, fil-postijiet tax-xogħol u fil-komunità fejn ngħixu. U nroddu ħajr meta naraw li f’ħin jew ieħor jasal dak il-waqt li fih l-imħabba sinċiera li nkunu tajna lill-oħrajn, tasal lura għandna u hekk issir imħabba lejn xulxin.

Din hi l-esperjenza qawwija li għamlu żewġ familji: waħda Nisranija u oħra Musulmana, li qasmu flimkien mumenti diffiċli u oħrajn ta’ tama. Meta Ben marad serjament, Tatiana u Paolo qagħdu l-isptar ma’ martu Basma u maż-żewġ uliedhom, sa dakinhar li miet. Għalkemm Basma kienet qed tbati minħabba t-telfa ta’ żewġha, hi baqgħet mal-ħbieb tagħha Nsara biex titlob għal persuna oħra marida serjament; talbet għaliha fuq tapit li qegħditu jħares lejn id-direzzjoni tal-Mekka. Basma qalet hekk: “L-akbar ferħ hu meta tħossok parti minn ġisem wieħed, fejn kulħadd għandu għal qalbu l-ġid tal-oħrajn”.

Letizia Magri

1. C. Lubich,  L-imħabba lejn xulxin: punt fundamentali tal-ispiritwalità tal-unità, kungress tal-Insara Ortodossi, Castel Gandolfo, 30 ta’ Marzu 1989, p. 4.

Download pdf

“Ħares bil-għajnuna tal-Ispirtu s-Santu li jgħammar fina t-teżor sabiħ li kien afdat f’idejk” (2 Tm, 1:14).

Din hi silta minn kitba ta’ San Pawl  lil Timotju, “ibni tassew fil-fidi”[1], li  kien jaħdem miegħu fix-xandir tal-Vanġelu u li kien fdalu l-komunità ta’ Efesu.

Pawlu, li kien qed iħoss ruħu qrib it-tmiem ta’ ħajtu, beda jagħmel kuraġġ `il Timotju biex isaħħu fl-impenn tiegħu ta’ gwida.  Timotju kien rċieva “għana prezzjuż”: il-fidi nisranija kif wassluha l-appostli stess, u issa kellu r-responsabbiltà li jxandarha b’fedeltà sħiħa lill-ġenerazzjonijiet il-ġodda.

Għal Pawlu dan kien ifisser li Timotju ried jieħu ħsieb id-don li rċieva u juri s-sbuħija tiegħu, u li kellu jkun lest anki li jagħti ħajtu biex iwassal l-aħbar sabiħa tal-Vanġelu.

Pawlu u Timotju rċevew l-Ispirtu s-Santu li kien dawl u garanzija fix-xogħol siewi tagħhom ta’ rgħajja u ħabbara tal-Vanġelu. Bix-xhieda tagħhom u ta’ dawk li ġew warajhom, din l-aħbar waslet għandna wkoll. 

“Ħares bil-għajnuna tal-Ispirtu s-Santu li jgħammar fina t-teżor sabiħ li kien afdat f’idejk”. 

Bl-istess mod, kull nisrani għandu “missjoni” x’jaqdi fil-komunità soċjali u reliġjuża li jgħix fiha: jibni familja magħquda, jgħallem liż-żgħażagħ, jimpenja ruħu fil-politika u x-xogħol, jieħu ħsieb il-batuti, idawwal il-kultura u l-arti bl-għerf u l-għixien tal-Vanġelu,  jikkonsagra ruħu `l Alla fil-qadi ta’ ħutu l-bnedmin.

Anzi, skont dak li Papa Franġisku qal liż-żgħażagħ, “[…] kull raġel u mara huma missjoni […]”[2]. Il-Knisja Kattolika pproklamat ix-xahar ta’ Ottubru bħala “xahar missjunarju straordinarju”. Din tista’ tkun għalina okkażjoni biex inġeddu l-impenn tagħna u nagħtu xhieda tal-fidi tagħna b’qalb miftuħa dejjem aktar għal dik l-imħabba tal-Vanġelu li tilqa’, tiltaqa’ u tiddjaloga mal-oħrajn[3]. 

“Ħares bil-għajnuna tal-Ispirtu s-Santu li jgħammar fina t-teżor sabiħ li kien afdat f’idejk”.

Kull nisrani hu “tempju” tal-Ispirtu s-Santu, li jagħtina dak li neħtieġu biex niskopru u nħarsu “t-teżori” li ġew fdati lilna, inkabbruhom u nwassluhom lill-oħrajn. L-ewwel  fost dawn it-teżori hu t-twemmin tagħna fil-Mulej Ġesù. Jeħtieġ li aħna l-insara nqajmu fina l-fidi u nsaħħuha bit-talb, biex imbagħad inwassluha lill-oħrajn bix-xhieda ta’ mħabbitna.

Saċerdot li għadu kif ġie ordnat jirrakkonta: “Ġejt inkarigat nieħu ħsieb il-fidili ta’ knisja kattolika kbira f’belt fil-Brażil. L-ambjent soċjali hu diffiċli ħafna u sikwit niltaqa’ ma’ nies li m’għandhomx identità reliġjuża definita, iżda jieħdu sehem fil-quddiesa kif ukoll f’ċerimonji antiki tradizzjonali. Naf li hu dmir tiegħi nwassal il-fidi nisranija b’fedeltà lejn il-Vanġelu, iżda nixtieq li fil-parroċċa kulħadd iħossu milqugħ. Ħsibt li biex nagħti valur lill-għeruq kulturali ta’ dawn in-nies, iċ-ċelebrazzjoni tal-quddiesa tkun bħal festa animata bi strumenti mużikali tipiċi tal-kulturi tagħhom. Din hi sfida impenjattiva, imma tferraħ lil kulħadd għax, minflok ma tifred  il-komunità, iġġib lil kulħadd flimkien u tgħaqqadna f’dak li hu tagħna lkoll: il-fidi f’Alla li hu għajn ta’ ferħ”. 

“Ħares bil-għajnuna tal-Ispirtu s-Santu li jgħammar fina t-teżor sabiħ li kien afdat f’idejk”. 

Teżor ieħor ta’ valur mill-aktar kbir li tana Ġesù nnifsu hu l-kelma tiegħu, li hi kelma t’Alla.

Dan ir-rigal “[…] jitfa’ fuqna responsabbiltà kbira […]. Alla tana l-kelma tiegħu biex aħna  nħaddmuha hekk li hi tagħti l-frott. Hu jrid jara sseħħ f’ħajjitna u f’dak kollu li nagħmlu fid-dinja dik il-bidla profonda li hi għandha l-ħila twettaq. […]. Mela kif għandna ngħixu din il-Kelma tal-ħajja ta’ dan ix-xahar? Għandna nħobbu l-kelma t’Alla u nfittxu li nsiru nafuha dejjem aħjar, u fuq kollox għandna ngħixuha b’ġenerożità kbira, biex issir tabilħaqq l-ikel ewlieni tal-ħajja tar-ruħ tagħna, dik li tmexxi l-kuxjenza tagħna u tiggwidana fl-għażliet u f’kull ma nagħmlu. […] Fil-kuxjenzi tan-nies hemm ħafna taħwid, u kollox qed isir relattiv u mċajpar. Meta ngħixu l-kelma t’Alla mhux biss nilqgħu kontra dan il-periklu serju imma, skont il-kliem stess li qal Ġesù u li jfisser ħafna (ara Mt 5, 15-16), aħna nsiru bħal imsiebaħ mixgħula li bid-dawl tagħhom jgħinu lill-oħrajn  isibu t-triq it-tajba u jimxu fiha”[4] .

Letizia Magri

© 2019 Focolare Movement

[1] 1 Tm 1, 2.

[2] Ara FRANĠISKU, Messaġġ għall-ġurnata missjunarja dinjija 2018.

[3] Għal aktar informazzjoni, ara www.october2019.va.

[4] C. Lubich, Parola di Vita ottobre 1991, in eadem, Parole di Vita, a cura di Fabio Ciardi (Opere di Chiara Lubich 5, Città Nuova, Roma, 2017), p. 486.

Kummenti fuq il Kelma tal-Ħajja

Il-Kelma tal-Ħajja għax-xahar ta’ Ottubru tikkwota kliem ta’ Papa Franġisku: “Kull raġel u mara huma missjoni”.

Fl-ittra appostolika Evangelii Gaudium il-Papa jispjega:
“Il-missjoni li nkun fil-qalba tal-poplu mhix parti minn ħajti (…..), mhijiex xi ħaġa miżjuda jew mument fost il-ħafna mumenti l-oħra ta’ ħajti. Hi xi ħaġa li ma nistax inħassarha minn dak li jien jekk ma rridx neqred lili nnifsi.
Jiena missjoni fuq din l-art u għalhekk ninsab fid-dinja. Irridu naraw lilna nfusna mmarkati bin-nar minn din il-missjoni li twassalna biex indawlu, inbierku, insostnu, inserrħu, infejqu, neħilsu. U hekk jibda jidher l-infermier li għandu ruħ, l-għalliem li għandu ruħ, il-politiku li għandu ruħ, dawk li f’qalbhom ħadu d-deċiżjoni li jgħixu mal-oħrajn u għall-oħrajn.

Jekk wieħed jifred id-dmir tiegħu fuq naħa u l-ħajja privata tiegħu fuq in-naħa l-oħra, kollox jinbidel u jibda jfittex (…) ir-rikonoxximenti u jiddefendi l-ħtiġijiet tiegħu. Ma jibqax jgħix għall-oħrajn.
Biex naqsmu ħajjitna mal-oħrajn u ningħataw b’ġenerożita’, għandna bżonn nagħrfu wkoll li kull persuna jixirqilha l-attenzjoni tagħna”.

Il-Kelma tal-Ħajja tgħid ukoll “ li teżor mill-aktar kbir li tana Ġesu’ (…) hu l-Kelma tiegħu”.
Chiara Lubich tfissrilna l-kobor ta’ dan it-teżor. Tgħid:
“Il-Kelma t’Alla tesprimi l-ħsieb u l-qalb tiegħu, tesprimi l-pjan mill-isbaħ li Hu għandu għal kull wieħed u waħda minna, jiġifieri li nsiru parti mill-familja tiegħu u flimkien miegħu jkollna l-ħajja li ma tintemm qatt. Alla mhux biss jurina t-triq, imma wkoll jagħtina l-forza biex nilħqu dan il-għan. Anzi jekk aħna nilqgħu kelmtu sa minn issa stess Hu jagħmilna wliedu u jnissel fina l-mod kif hu stess iħobb u jħares lejn l-affarijiet”.
( Kelma tal-Ħajja Ottubro 1991)

It-Tnejn, 2 ta’ Settembru, Maria Voce, President tal-Moviment tal-Fokolari, u Jesús Morán, Viċi-president, kellhom udjenza privata mal-Papa Franġisku.

Maria Voce: “Għadna kif ħriġna mill-udjenza mal-Papa li fiha tajnieh ktieb tal-kollegamenti internazzjonali li Chiara Lubich kienet tagħmel meta kienet ħajja, kif ukoll ikona tal-Madonna, bit-titlu: “Ferħ ta’ min qed ibati”. Il-Papa apprezza ħafna r-rigali li ħadnielu. Qalilna li t-titlu tal-ikona għoġbu ħafna u qatt ma kien sema’ bih. Din l-ikona fakkritu fl-aħħar paġna ta’ ktieb ta’ A. Manzoni li fiha l-awtur jiddeskrivi l-lebbrużi kollha li jduru lejn il-Madonna fit-talb tagħhom biex teħlishom minn dik il-marda qalila. Ħassejna ħafna l-fiduċja kbira u l-apertura tal-Papa li dam jgħidilna ħafna: “Ibqgħu mexjin `il quddiem”. Hu rringrazzjana tat-tajjeb li qed nagħmlu u deher li kien kuntent ħafna biż-żjara tagħna. U kompla: “Itolbu għalija”. Aħna żgurajnieh li nagħmlu hekk u jiena għidtlu: ‘Illum il-membri kollha tal-Moviment qed jitolbu għal din il-laqgħa, għax jafu li ġejna għandek, u mhux il-membri kattoliċi biss, imma kollha'”.

Jesús Morán: “Naħseb li din kienet laqgħa li fiha ħassejna l-imħabba ta’ bejnietna, għax il-Papa baqa’ jgħidilna: “Grazzi ta’ kull ma qed tagħmlu, ibqgħu mexjin `il quddiem”. U mbagħad għidnielu: “Aħna nżommu ma’ dak kollu li inti tagħmel; niddefendu kull ħsieb tiegħek”. Dak il-ħin ftakart fl-udjenza ta’ Chiara mal-Papa Pawlu VI, fejn hu qalilha: “Hawnhekk kollox hu possibbli”. Il-Papa Franġisku kompla jgħidilna: “Ibqgħu mexjin `il quddiem, wasslu l-profeziji ta’ Chiara”. U mbagħad tkellimna fuq ħafna affarijiet konkreti.”

Maria Voce: “Hu wriena d-dispjaċir tiegħu għal dak kollu li jmur kontra l-paċi, għall-gwerer li għadhom għaddejjin anki bejnietna. Qalilna: “Anki fi ħdan il-Knisja ssib min jaħsibha differenti. Possibbli ma nitgħallmu xejn mill-istorja? Jagħtini li nibki meta nisma’ min jitkellem kontra l-paċi”. Imbagħad qalilna xi ħaġa sabiħa ħafna, qal li xi drabi aħjar titlob maħfra milli titlob permess, li forsi aħjar tiżbalja biex imbagħad titlob maħfra.”

Jesús Morán: “Kien iddispjaċut ħafna għall-imwiet li jsiru minħabba n-nuqqas ta’ paċi. Meta tkellimna fuq l-Ewropa wera t-tħassib tiegħu u dak il-ħin kellimnieh fuq il-Mariapoli Ewropea. Imbagħad semmejnielu ċ-ċentinarju mit-twelid ta’ Chiara u hu apprezza l-fatt li aħna mhux se niċċelebrawh bħala kommemorazzjoni, imma għax inħossu li l-Kariżma ta’ Chiara hi xi ħaġa attwali ħafna.”

Maria Voce: “Ħaġa li ħassejna hi li hu għandu ħafna għal qalbu s-saċerdoti, ir-reliġjużi u l-isqfijiet, tant li qalilna biex ngħinu ‘l-Knisja f’dawn l-oqsma.”

Tony Aquilina

Ara l-intervista fuq Vimeo (bit-Taljan): https://vimeo.com/357332500

Download pdf

Kelma tal-Ħajja

“Farrġu lil xulxin u ibnu lil xulxin, kif qegħdin tagħmlu” (1Tes 5, 11).

San Pawl kien iżomm kuntatt mal-komunità  ta’ nsara li waqqaf f’Tessalonika permezz tal-kitba. Ma setax imur iżurhom għax hu kien ħarab minn hemm minħabba diffikultajiet u  persekuzzjoni kbira, iżda baqa’ jsegwihom b’imħabba kbira permezz tal-ittri li kien jiktbilhom, u kien ifaħħarhom talli huma baqgħu sħaħ fil-fidi. Kienu saru xhieda tassew eżemplari!

Pawlu kien jaf li fil-qalb ta’ din il-komunità kien hemm mistoqsijiet importanti bħal: X’hemm jistenniena wara l-mewt? Il-Mulej se jdum ma jerġa’ jiġi? Kif għandna nħejju ruħna għall-miġja tiegħu?

Fit-tweġiba tiegħu ma tahomx preċetti x’jobdu, imma stqarr mill-ġdid il-fidi tiegħu f’Ġesù li ta ħajtu b’imħabba għall-bnedmin kollha, qam mill-mewt u fetħilna t-triq li twassal għall-Ħajja.

Hu wissiehom li jekk huma riedu jħejju ruħhom għall-miġja ta’ Kristu, kellhom jgħixu bi sħiħ il-Vanġelu fil-ħajja tagħhom ta’ kuljum u jkomplu jaħdmu b’onestà biex jibnu komunità ta’ aħwa:

“Farrġu lil xulxin u ibnu lil xulxin, kif qegħdin tagħmlu”.

Pawlu stess kien ġarrab l-esperjenza li l-Vanġelu jagħti l-ħajja u jkabbar dik iż-żerriegħa ta’ tjubija li Alla jħawwel fil-qalb tal-bniedem.

Din hi żerriegħa ta’ tama li tikber fina kuljum meta aħna niltaqgħu mal-imħabba t’Alla u li tagħti l-frott meta aħna ninħabbu bejnietna. Hi żerriegħa li tqanqalna biex neħduha kontra l-individwaliżmu u l-indifferenza li jagħlquna fina nfusna u jwassluna biex neħduha kontra xulxin; hi żerriegħa li tħeġġiġna biex ngħinu `l ħutna jerfgħu t-toqol  tal-ħajja u biex inqawwu qalb xulxin.

Dan hu Kliem sempliċi; aħna lkoll nistgħu nifhmuh u ngħixuh, imma hu jista’ jibdlilna  ħajjitna mill-qigħ.

Hu wkoll parir prezzjuż, li jgħinna niskopru mill-ġdid il-verità fundamentali tal-imħabba t’aħwa lejn xulxin. Prinċipju tal-filosofija Bantu tal-Ubuntu jgħid hekk: “Jien dak li jien bil-ħila ta’ dak li aħna lkoll”.

Dan il-ħsieb mexxa  l-ħidma politika ta’ Nelson Mandela, mexxej kbir  fl-Afrika t’Isfel li kien Metodista. Kien jgħid: “Ubuntu ma tfissirx taħseb fik innifsek, imma pjuttost tistaqsi: “Jien irrid ngħinha l-komunità li tgħix madwari?”[1]. L-azzjoni koerenti u kuraġġuża tiegħu wasslet għal taqlib storiku f’pajjiżu u għal pass `il quddiem fiċ-ċiviltà.

“Farrġu lil xulxin u ibnu lil xulxin, kif qegħdin tagħmlu”.

Kif se ngħixu din il-Kelma?

“Ngħixuha billi aħna wkoll infittxu li nikbru fl-imħabba ta’ bejnietna fil-familji tagħna, fuq il-post tax-xogħol, fl-għaqdiet tal-parroċċa, eċċ. Din il-Kelma titlob minna mħabba kbira, li tagħraf tegħleb il-kejl fqir tagħna, dak kollu li jifridna u l-egoiżmu fin tagħna. Ikun biżżejjed naħsbu f’ċerti kwalitajiet tal-imħabba (nittolleraw, nifhmu, nilqgħu u nissaportu `l xulxin, inkunu lesti naqdu u naqsmu mal-proxxmu l-ġid li għandna, eċċ.) biex nindunaw kemm għandna okkażjonijiet li fihom nistgħu ngħixuha.

Naturalment, jekk bejnietna jkun hemm din l-imħabba, is-sħana tagħha tinfirex, u anki dawk li ma jafux bil-ħajja nisranija jindunaw kemm hi ħaġa sabiħa u, xejn ma trid li huma wkoll jibdew jagħmlu bħalna, u jħossuhom parti mill-istess familja”[2].

“Farrġu lil xulxin u ibnu lil xulxin, kif qegħdin tagħmlu”.

Fil-belt ta’ Palermo, fi Sqallija, twieled grupp ta’ tobba speċjalisti, psikoloġi u nurses li jgħixu dan l-ispirtu u qed jaħdmu b’risq il-foqra. Isimgħu x’qalulna: “Aħna nagħmlu parti minn grupp ta’ tobba u professjonisti Nsara li naħdmu fil-qasam tas-saħħa. Il-kliem tal-Vanġelu jħeġġiġna biex f’kull persuna naraw lil ħuna jew `l oħtna, speċjalment f’min hu marid u m’għandux flus biex jieħu l-kura meħtieġa. Fost dawk li nieħdu ħsiebhom aħna hemm ukoll uħud li huma  milquta minn mard serju, jew inkella huma vittmi tal-logħob jew tal-Internet. Aħna noffru l-professjoni tagħna u nsaħħu l-postijiet ta’ kura li diġà jeżistu hawnhekk. Ħloqna chat bil-Whatsapp u paġna fuq Facebook; għandna wkoll l-indirizzi email ta’ xulxin biex inkunu nistgħu nikkomunikaw bejnietna u ninfurmaw lil xulxin dwar il-ħtiġiet li niltaqgħu magħhom.  Għalkemm  dan il-grupp twaqqaf m’ilux, diġà qed jagħmel ħafna xogħol l-aktar mal-barranin, speċjalment ma’ dawk li waslu mill-Ghana u li huma ta’ reliġjon Avventista. Ħafna minn dawn il-barranin huma nies b’karattru ferħan u magħhom aħna naqsmu l-ferħ li ngħinu `l xulxin bħal aħwa, ulied tal-istess Missier”.

Letizia Magri

[1] Mill-“Ubuntu Experience”, intervista `l Tim Modise, 24 ta’ Mejju 2006: https://lecitazioni.it/autori/nelsonmandela/.

[2] C. Lubich, Kelma tal-Ħajja, Novembru 1994 (Opere di Chiara Lubich 5, Città Nuova, Ruma, 2017) pp. 559-560.

L-esperjenza qawwija tal-Mariapoli Ewropea kienet waħda li ġarrfet ħitan u bniet il-fraternità bejn nies ġejjien minn pajjiżi differenti.

Il-Mariapoli Ewropea 2019 ġiet fi tmiemha s-Sibt 10 ta’ Awwissu. Ħafna minn dawk li ħadu sehem fiha ħassew li kienet mixja lejn l-unità li seħħet f’dawk l-istess postijiet fejn bdiet il-ħajja tal-Moviment tal-Fokolari u mnejn kulħadd telaq lura lejn pajjiżu b’aktar determinazzjoni li jgħix għal dinja magħquda.

Wara erba’ ġimgħat sbieħ li fihom din il-belt ta’ Marija laqgħet aktar minn 2800 ruħ mill-pajjiżi kollha tal-Ewropa u anki xi oħrajn minn kontinenti oħra, fl-aħħar ġurnata, ħafna minn dawk preżenti għall-aħħar ġimgħa tal-Mariapoli nġabru għal ċeremonja li saret biex l-isem “Via Chiara Lubich” ġie mogħti lil waħda mit-toroq ta’ dan il-post storiku. Għal din iċ-ċeremonja kienu preżenti s-Sindku tal-post, l-Arċisqof ta’ Trento u l-president tal-Moviment tal-Fokolari.

Fid-diskors tiegħu għal din l-okkażjoni, l-Arċisqof ta’ Trento saħaq li l-esperjenza li Chiara għexet  f’dak il-post fl-1949 “kienet waħda tassew mistika: hi rat kif igħix Alla u tat il-ħajja ta’ Alla lill-bnedmin”. U kompla: “Nitolbu għall-popli tagħna biex huma wkoll ikunu rġiel u nisa li jaraw lil Alla u jirrakkuntaw dwar Alla, dwar il-ġmiel u t-tjubija tiegħu”.

Meta s-sindku Depaoli għamel id-diskors tiegħu, fost affarijiet oħra qal: “Bħala amministrazzjoni, xtaqna nuru li aħna qrib Chiara u l-Moviment, u għalhekk hi ħaġa naturali li t-triq li tinsab quddiem Baita Paradiso u anki quddiem il-Palazz Scopoli, wieħed mill-postijiet li jfisser ħafna  għall-komunità  u l-istorja tagħna, tiġi mogħtija l-isem ta’ Chiara Lubich”.

Wara din iċ-ċeremonja, l-Arċisqof ta’ Trento mexxa quddiesa li saret fi Pieve ta’ Fiera di Primiero. Ħawnhekk sar dak li kien sar fl-aħħar Mariapoli li saret fi Primiero fl-1959: il-konsagrazzjoni tal-ġnus  lil Marija.

Maria Voce, il-President tal-Moviment tal-Fokolari tat il-messaġġ tagħha fit-tmiem tal-programm tal-Mariapoli li sar wara nofsinhar. Filwaqt li saħqet fuq l-interdipendenza planitarja u fuq id-destin komuni tal-ġnus kollha, hi temmet tgħid: “Illum ukoll, bħal sittin sena ilu, nistgħu nitolbu lil Alla għall-għaqda fost il-ġnus. Nawgura li flimkien ma’ din it-talba nġeddu l-impenn  tagħna,  personali u komunitarju, li ngħixu għal dinja magħquda. Jeħtieġ inxerrdu ż-żerriegħa tal-bidla u nibdlu l-preżent filwaqt li niktbu paġni ġodda fl-istorja tal-familja tal-bnedmin li tagħmel il-mixja tagħha lejn l-unità”.

David Sassoli, il-President tal-Parlament Ewropew bagħat messaġġ biex isellem lill-parteċipanti tal-Mariapoli  “li għexu din l-esperjenza straordinarja umana u spiritwali fuq l-eżempju ta’ Chiara Lubich” u fakkar li: “Fi żmien ta’ firdiet, ħitan u birbed wires hu fundamentali li wieħed iwieġeb bil-loġika li  tlaqqa’ flimkien  u tibni komunità” .

L-esperjenza qawwija tal-Mariapoli Ewropea kienet waħda li ġarrfet ħitan u bniet il-fraternità bejn nies ġejjien minn pajjiżi differenti. Il-qsim ta’ esperjenzi u ta’ xhieda li sar waqt il-Mariapoli  ma jħalli ebda spazju għall-għeluq u l-egoiżmu.

Vivienne Attard

VIDEO: Inauguration of Chiara Lubich Street (in Italian)

Dan is-sajf, il-Moviment tal-Fokolari organizza Mariapoli Ewropea. Jikteb xi ħadd mill-grupp Malti li ħa sehem.

Min kellu jgħid li minn vaganza fuq id-Dolomiti, muntanji mill-isbaħ fl-Italja ta’ Fuq, kellha titwieled l-avventura tal-Mariapoli? Xi tkun? L-isem ifisser ‘Belt ta’ Marija’, belt imġedda bl-imħabba tal-Vanġelu. Fil-bidu din kienet sempliċement vaganza li fiha grupp ta’ tfajliet bdew jgħixu flimkien ir-“regola tad-deheb”: ġib ruħek mal-oħrajn kif tixtieq li ħaddieħor iġib ruħu miegħek. L-ewwel Mariapoli saret fl-1949, imma xejn ma kien ipproggrammat minn qabel. Chiara, ħtiġilha titlaq għal ftit taż-żmien minn Ruma u tmur tistrieħ fuq il-muntanji. Flimkien ma’ sħabha, l-ewwel fokolarini, marret Tonadico. Imma hemmhekk kellhom tistennihom avventura mill-isbaħ, għax Alla kellu pjan ieħor għalihom. Chiara għexet perijodu spiritwali intens ħafna, għaqda profonda m’Alla, li nsibuh bħala “Paradiso ‘49”. Paradiso għax kien żmien ta’ dawl, żmien fejn hi qasmet ma’ sħabha dak kollu li Alla nebbaħha fuq il-Moviment li kellu jitwieled.

Fl-ewwel Mariapoli ħadu sehem Taljani, Franċiżi u Ġermaniżi. Ma kienx għadda ħafna żmien minn tmiem it-Tieni Gwerra Dinjija imma, b’Ġesù f’nofshom (“Fejn tnejn jew tlieta jkunu miġbura f’ismi hemm inkun jien f’nofshom”: Mt 18, 20), huma tħeġġu bil-kariżma ġdid ta’ Chiara Lubich: ‘Ħa jkunu lkoll ħaġa waħda’. Insew dak kollu li kien jifridhom biex hekk setgħu “Iħobbu `l pajjiż ħaddieħor bl-istess imħabba li  kellhom għal pajjiżhom”. Kemm jgħodd għal żmienna dan, fejn qed naraw il-kontinent tagħna għaddej minn kriżi, u l-Mariapoli hija proposta mill-aktar qawwija biex tfejjaq il-firdiet ta’ bejn bniedem u ieħor, u ta’ bejn pajjiż u ieħor!

Alla baqa’ jispira lil Chiara u fuq din l-ewwel esperjenza twieldu wkoll bliet żgħar fejn dan l-ispirtu tal-ewwel insara huwa r-regola tal-ħajja, u li aħna nsejħulhom ‘Mariapoli Permanenti’. L-ewwel waħda twaqqfet f’Loppiano, qrib Firenze, imma llum il-ġurnata bliet bħal din jgħoddu aktar minn 20, mifruxin mad-dinja kollha.

Dan is-sajf, il-Moviment tal-Fokolari organizza Mariapoli Ewropea, fuq l-istess xenarju tal-ewwel waħda. Minn Malta telaq grupp ta’ 25 Malti u Maltija li diġà konna nafu xi ftit lil xulxin. Imma f’din l-atmosfera sirna tassew ħaġa waħda, mhux biss bejnietna imma wkoll ma’ parteċipanti oħra Ewropej.

Il-programm kien wieħed sempliċi: filgħodu konna niltaqgħu għal ftit tal-ħin biex nimmeditaw xi silta mill-Vanġelu, u wara konna nisimgħu esperjenzi minn nies li kienu għexu f’ħajjithom dik is-silta li tkun inqrat. F’atmosfera bħal din il-quddiesa kienet tkun il-qofol tal-ġurnata! Wara l-ikel konna noħorġu lkoll flimkien u nagħmlu passiġġati fuq dawk il-muntanji sbieħ. B’hekk kien ikollna aktar ħin biex nitkellmu u nsiru nafu sew lil xulxin.

Għalkemm xi ftit jew wisq aħna lkoll differenti minn xulxin, imma bejnietna nistgħu nibnu rabtiet li jagħmluna lkoll aħwa bejnietna. Il-Mariapoli għandha tkun dik l-atmosfera li ġġedded id-dar, ir-raħal u l-belt tagħna. Iva, anki lil pajjiżna kollu kemm hu. Hija l-atmosfera li tista’ tfejjaq lid-dinja tal-lum! Tassew, Ġesù dan hu li kkmandana nagħmlu: li nħobbu lil xulxin, kif ħabbna Hu!

Anthony Aquilina

Silta minn tislima li Chiara tat lill-membri tal-Moviment tal-Fokolari miġbura fl-Isvizzera għall-festa ta’ Santa Chiara fil-11 ta’ Awwissu 1999.

Festa ta’ Santa Chiara t’Assisi

Għeżież,

(…) Illum hi l-festa ta’ Santa Chiara t’Assisi. Dejjem impressjonana l-kliem li qalet lil San Franġisk li tant ġibidha biex timxi warajh meta dan staqsieha: “Binti x’tixtieq?”

Kont tistenna li twieġeb: “Nixtieq nimxi warajk fil-triq tal-faqar”, “Nixtieq insir reliġjuża”, “Nixtieq ningħalaq f’kunvent”. Iżda hi tagħtu l-aħjar tweġiba (…) . Qaltu: “Lil Alla”.

Xtaqet lil Alla għax għażlet lil Alla, għax Alla għażilha.

Din hi l-istess għażla li aħna għamilna fil-bidu tal-Moviment. Għamilna għażla waħda: Alla. (…). Din l-għażla hi dejjem ġdida u twassalna biex inwarrbu r-rikkezzi kollha li nistgħu nakkumulaw, forsi wkoll mingħajr ma nindunaw. Jista’ jkun li r-rikkezza tagħna tkun il-Fokolar; nistgħu nistgħanew b’ħafna affarijiet oħra: b’dak li jiġi f’moħħna, bl-istudju (…), b’dawk li jiġu minna, bil-familja. Nistgħu nkunu sinjuri bil-fergħa tal-Moviment tagħna, forsi bis-saċerdozju, jew b’xi ħaġa oħra.

Iżda, l-Ideal tagħna li hu Ġesù abbandunat, li xejjen lilu nnifsu, jwassalna biex inwarrbu dan kollu ħalli nagħtu lil Alla l-ewwel post ta’ ħajjitna u nwettqu l-bqija bħala r-rieda tiegħu għalina.

Dan hu li Santa Chiara qed tfakkarna llum. Hi għamlet dan billi għażlet it-triq tal-faqar. Aħna nagħmluh billi nagħżlu t-triq tal-unità, billi dejjem ikollna l-preżenza ta’ Ġesù Rxoxt f’nofsna permezz tal-imħabba lejH abbandunat.

Dan hu l-ħsieb li xtaqt naqsam magħkom. Grazzi talli ġejtu hawnhekk, u nżommu l-preżenza ta’ Ġesù f’nofsna.

Chiara Lubich
(Estavayer le-Lac, Svizzera, 1999)

Download pdf

“GĦAX FEJN HEMM IT-TEŻORI TAGĦKOM, HEMM TINSAB QALBKOM UKOLL” (LQ 12, 34).

Il-“qalb” hi l-aktar ħaġa intima, moħbija u importanti li għandna; hi t-“teżor” li jiswa l-aktar, li jserrħilna rasna għal-lum u għal li ġej. Fil-“qalb” hemm il-valuri li nħaddnu, l-għeruq talgħażliet li nagħmlu; hi l-post sigriet fejn niddeċiedu `l min nagħtu l-ewwel post f’ħajjitna.

Liema huwa t-“teżor” li minħabba fih lesti nwarrbu l-bqija?

Fis-soċjetà konsumistika tal-pajjiżi sinjuri, kollox iħajjarna naħżnu l-ġid materjali, naħsbu biss fuq il-bżonnijiet tagħna bla ma nagħtu kas tal-bżonnijiet tal-oħrajn, biex nikkonċentraw fuq il-ġid u l-effiċjenza tagħna nfusna. Imma San Luqa l-evanġelista, li għex fi żminijiet differenti ħafna, jagħtina dan il-kliem ta’ Ġesù bħala tagħlima deċiżiva li tgħodd għall-bnedmin ta’ kull żmien u ta’ kull pajjiż.

“GĦAX FEJN HEMM IT-TEŻORI TAGĦKOM, HEMM TINSAB QALBKOM UKOLL”.

Il-Vanġelu ta’ Luqa jisħaq bil-qawwa kollha fuq il-ħtieġa li nagħmlu għażla mill-qigħ, darba għal dejjem, li hi tipika tad-dixxiplu ta’ Ġesù: Alla l-Missier hu l-veru Ġid tagħna; irridu nagħtuh qalbna kollha, l-istess kif għamel Ġesù. Din l-għażla esklużiva ġġib magħha ħaġ’oħra: twassalna biex nintelqu b’fiduċja sħiħa f’Imħabbtu u hekk insiru tassew “għonja”, għax ulied Alla u werrieta ta’ Saltnatu.

Din hi xi ħaġa li torbot mal-libertà tagħna għax ma tħalliniex ninħakmu mill-ġid materjali, imma tagħmilna sidien veri ta’ ħajjitna.

L-għana ta’ din id-dinja jista’ jimla “qalbna” u jkabbar fina r-rebgħa għal aktar ġid, tant li nsiru niddependu fuqu. Filwaqt li meta nagħtu minn dak li għandna, kif tħeġġiġna nagħmlu din is-silta tal-Vanġelu, inkunu qed ngħixu dik il-ġustizzja li tiġi mill-ħniena, li permezz tagħha l-qalb ma tittaqqalx  u tkun lesta tinfetaħ għall-bnedmin li huma lkoll indaqs u aħwa ta’ xulxin.

Kull nisrani u l-komunità kollha ta’ dawk li jemmnu, jistgħu jsiru tassew bnedmin ħielsa billi jaqsmu l-ġid materjali u spiritwali tagħhom ma’ dawk fil-bżonn: dan hu l-istil ta’ ħajja nisranija li jagħti xhieda tal-vera fiduċja fil-Missier u jibni sisien sodi għaċ-ċiviltà tal-imħabba.

“GĦAX FEJN HEMM IT-TEŻORI TAGĦKOM, HEMM TINSAB QALBKOM UKOLL”.

Chiara Lubich tat suġġeriment siwi ħafna li jista’ jdawwalna biex ninħelsu mill-jasar tal-ġid:

“Għaliex Ġesù jinsisti daqshekk fuq il-bżonn li niċċaħħdu mill-ġid, u jagħmel dan bħala kundizzjoni  meħtieġa biex nimxu warajh? Għax l-ewwel ġid ta’ ħajjitna, il-veru teżor tagħna huwa Hu! […] Hu jridna nkunu bnedmin ħielsa, ħielsa minn dak kollu li jorbotna u jtaqqalna biex inkunu nistgħu nħobbuh tassew b’qalbna kollha, b’moħħna kollu u bil-forzi tagħna kollha. […] Jitlobna niċċaħħdu mill-ġid tagħna anki għax iridna nkunu miftuħin għalloħrajn […]. L-aktar mod sempliċi biex ‘niċċaħħdu’ hu li ‘nagħtu’.

Nagħtu mħabbitna `l Alla. […] U biex nuruh din l-imħabba, irridu nħobbu `l ħutna u nkunu lesti li nagħmlu kollox għalihom. Għandna ħafna ġid li nistgħu naqsmuh mal-oħrajn, anki jekk forsi ma naħsbuhiex hekk: nistgħu nagħtu l-għożża, nuru l-ħlewwa, naqsmu l-ferħ; nistgħu nużaw il-ħin tagħna  għall-oħrajn; nistgħu nitolbu, naqsmu l-affarijiet sbieħ li hemm ġewwa fina; xi drabi jkollna affarijiet, kotba, ilbies, flus […]. Ejjew nagħtu bla ma noqogħdu nirraġunaw iżżejjed u ngħidu: ‘Imma din xi darba jista’ jkolli bżonnha […]’. Kollox jista’ jkun ta’ siwi, iżda jekk nagħtu widen għal dawn is-suġġerimenti, norbtu qalbna ma’ kollox u jinbtu aktar bżonnijiet ġodda. Għandna nfittxu li jkollna biss dak li neħtieġu; u noqogħdu attenti li ma nitilfux `il Ġesù minħabba xi flus li ngeddsu jew xi ħaġa li nistgħu ngħaddu mingħajrha”¹.

Marisa u Agostino, li ilhom 34 sena miżżewġin, għandhom dan x’jirrakkuntaw: “Wara tmien snin ta’ żwieġ, kollox kien sejjer tajjeb: id-dar u x-xogħol kienu eżatt kif konna rriduhom aħna; iżda  waslitilna proposta biex nitilqu mill-Italja u mmorru nagħtu daqqa t’id lil komunità żgħażugħa nisranija f’pajjiż fl-Amerika t’Isfel. Fost id-dubji li kellna, il-biża’ dwar il-ġejjieni, il-kummenti tan-nies li bdew jgħidulna boloh, it-tnejn li aħna bdejna nisimgħu leħen partikulari, li nissel fina paċi kbira: kien dak ta’ Ġesù li jgħidilna: ‘Ejja u imxi warajja’.

Iddeċidejna li mmorru u sibna ruħna f’ambjent differenti ħafna minn dak li konna mdorrijin fih. Kellna bżonn ta’ ħafna affarijiet, iżda sibna wkoll affarijiet ġodda, bħar-rabta sabiħa li bnejna ma’ ħafna nies. Għamilna wkoll esperjenza qawwija tal-Providenza t’Alla. Darba organizzajna party ċkejken u kull familja kellha ġġib xi ħaġa tal-ikel. Konna għadna kif naslu lura mill-Italja u ġibna magħna biċċa ġobon parmiġġjan kbira. Tgħid nieħdu biċċa minnu biex naqsmuha mal-familji l-oħra?. Il-ħsieb li kien se jispiċċa malajr beda jberren f’moħħna, iżda ftakarna fi kliem Ġesù: ‘Agħtu u jingħatalkom’ (Lq 6, 38). Ħarisna lejn xulxin u għidna: ħallejna pajjiżna, ix-xogħol, lil qrabatna, u issa se nintrabtu ma’ biċċa ġobon? Qtajna biċċa minnu u ħadnieha magħna. Jumejn wara ġie xi ħadd ifittixna: kien turist li ma konniex nafuh, ħabib ta’ ħbieb tagħna, li ġabilna pakkett mingħandhom. Ftaħnieh: kien fih biċċa ġobon parmiġġjan kbira. Rajna sseħħ il-wegħda ta’ Ġesù: ‘…kejl tajjeb, marsus, mheżheż sewwa u mburġat iqegħdulkom f’ħoġorkom’”.

Letizia Magri

1. C. Lubich, Kelma tal-Ħajja, Settembru 2004, fil-ktieb ‘Parole di Vita’, ta’ Fabio Ciardi (Opere di Chiara Lubich 5;  Città Nuova, Ruma, 2017) pġ. 729-731.

Għall-ewwel darba wara 70 sena, il-Moviment tal-Fokolari qed jorganizza Mariapoli għall-Ewropa kollha. “Aim high!” hu l-motto u t-titlu ta’ din il-Mariapoli li ser issir mill-14 ta’ Lulju sal-11 ta’ Awwissu 2019.

Din il-ġrajja ser issir fi Fiera di Primiero, fuq id-Dolomiti, f’dik l-istess post  fejn 70 sena ilu nibtet l-ewwel esperjenza tal-Mariapoli. Il-Mariapoli Ewropea qanqlet ħafna interess u hemm mat-3000 ruħ li ser jieħdu sehem fiha. Dan ifisser li kull ġimgħa ser ikun hemm mas-600 ruħ  jgħixu f’din il-belt temporanja ta’ Maria.

L-isfond għal din il-Mariapoli Ewropea huwa wieħed ta’ kontinent li jeħtieġ jagħraf u jsib mill-ġdid l-għeruq tiegħu. Peter Forst, membru tal-Moviment tal-Fokolari qal: “Il-ħolma tagħna hi li din il-ġrajja tgħin biex joħroġ il-ġmiel ta’ dan il-kontinent, id-diversita’ u l-kulturi  kollha li teżistu fih (…). Nemmnu li b’dak kollu li naqsmu bejnietna, bix-xhieda, bil-kulturi u l-istorja tagħna aħna nistgħu nagħtu sehemna għal Ewropa aktar magħquda”.

F’intervista li tat dan l-aħħar, Maria Voce, il-president tal-Moviment tal-Fokolari tkellmet dwar l-ewwel esperjenza tagħha ta’ Mariapoli. Kienet ħadet sehem fl-aħħar Mariapoli li saret fi Fiera di Primiero fl-1959. Qalet: “Niftakarha sew dik l-esperjenza. Konna norqdu fuq is-saqqijiet fl-art, fil-klassijiet ta’ xi skejjel. Fil-kmamar ma kellniex għamara; la kellna gwardarrobbi u lanqas merja; kellna biss siġġu bejn saqqu u ieħor. Iżda dan  ma naqqas xejn mill-esperjenza sabiħa tal-Mariapoli”. U kompliet tgħid li għalkemm fil-Mariapoli kien hemm dan il-faqar materjali iżda “kien hemm ġid spiritwali kbir. Kulħadd ta sehmu biex tinbena dik l-atmosfera divina li saltnet fil-Mariapoli u li ħakmet lil dawk kollha li kienu hemm”. 

F’dik il-Mariapoli kienu ħadu sehem mat-12000 ruħ, nies ġejjien minn kull qasam tal-ħajja u minn pajjiżi differenti. Bosta setgħu jkunu hemm għax fqar u sinjuri għexu l-qsim tal-ġid.  Maria Voce qalet: “Kienet tassew ġrajja ta’ belt sinjura b’relazzjonijiet ta’ mħabba lejn xulxin”.

Source: https://www.catholicireland.net/fragmented-europe-calls-europe-wide-gathering/