“Mixja flimkien…. ta’ familja, qrubija u tama”: dan kien is-suġġett għall-Mariapoli 2025, li saret fil-Qawra Palace Resort & Spa, fl-ewwel weekend ta’ Marzu, fis-sena meta l-Knisja universali qed tiċċelebra l-Ġublew tat-tama, u meta l-Moviment tal-Fokolari qed jidħol aktar fil-fond dwar il-qrubija ma’ Alla u mal-proxxmu.

Għal ħafna, il-Mariapoli hi appuntament ta’ kull sena, iżda anki din id-darba kien hemm min ħa sehem għall-ewwel darba; fost dawn familja miċ-Ċina u xi familji mill-Pakistan li jgħixu hawn Malta. Sa mill-bidunett tal-Mariapoli, wieħed seta’ jħoss arja ta’ familja, fejn nies ta’ kull età u minn kull qasam tal-ħajja sabu ruħhom flimkien f’ambjent fejn tħossok ‘l bogħod mill-ħajja tas-soltu u aktar qrib lejn dak li l-qalb tixxennaq għalih.

Anki n-numru sabiħ ta’ tfal u teenagers li ħadu sehem fil-programm imħejji apposta għalihom, taw is-sehem prezzjuż tagħhom biex tinbena l-esperjenza sħiħa tal-Mariapoli. Din l-esperjenza sempliċi u fl-istess ħin profonda kienet waħda li saħħet is-sens ta’ familja fejn wieħed seta’ jkompli jiskopri l-ġmiel tal-arti tal-imħabba u jikseb qawwa ġdida biex iħares ‘l quddiem b’tama.

Il-kant tassew sabiħ, il-mużika, l-uċuħ tan-nies, l-ambjent akkoljenti….. dan kollu għen biex is-sala tal-Mariapoli tinbidel f’oasi ta’ serenità fejn wieħed seta’ jilmaħ ukoll dak is-sens ta’ stennija li kull Mariapoli ġġib magħha.

Il-higħlights fil-programm tal-Mariapoli

L-introduzzjoni qasira fl-ewwel jum kienet bħal ħolqa f’katina li għaqqdet xi ftit mill-istorja tal-bidu tal-Moviment tal-Fokolari mar-realtà tad-dinja li qed ngħixu fiha llum, fil-waqt li qanqlet lil dawk preżenti biex ma jibżgħux jibqgħu joħolmu fl-ideal ta’ dinja magħquda fejn ilkoll nistgħu ngħixu tassew bħal aħwa, bħala familja waħda. Il-Mariapoliti kienu mistiedna jieħdu sehem fi “Human Library” fejn kellhom l-opportunità li jingħaqdu ma’ xi wieħed mit-tmien gruppi fejn sar sharing dwar diversi aspetti tal-ħajja. Tista’ tgħid li dan kien l-ewwel pass fil-mixja ta’ dawn il-ġranet li saħħaħ il-qrubija u kattar it-tama; kien pass li wassalna biex inkomplu niskopru dejjem aktar li matul ħajjitna aħna nistgħu ninsġu storja li hi umana u divina fl-istess ħin.

Is-Sibt filgħodu kien kollu ddedikat għall-qrubija ma’ Alla u mal-proxxmu. L-għodwa bdiet b’mument qawwi ta’ riflessjoni mħawwar bi ħsibijiet, ħin ta’ skiet, esperjenza u mużika, li fakkruna f’diversi modi li permezz tagħhom Alla jqarribna lejh u lejn xulxin. Kien apprezzat immens is-sehem ta’ David Hickey, fokolarin mill-Irlanda li għex il-Mariapoli magħna. Hu mexxa t-tieni parti ta’ din l-għodwa billi qasam l-esperjenza tiegħu fid-dawl ta’ dan is-suġġett.

Il-programm tas-Sibt wara nofsinhar kien kollu ffukat fuq iċ-Ċelebrazzjoni tal-Ġublew tat-Tama. Wara spjegazzjoni bi tħejjija għal din iċ-ċelebrazzjoni, il-Mariapoliti bdew il-pellegrinaġġ mill-Qawra sal-Knisja ta’ Sant’Agata, ir-Rabat, fejn anki ħadu sehem fil-Quddiesa li kienet iċċelebrata min-Nunzio Appostoliku, il Mons. Savio Hon Tai-Fai SDB. Kien mument solenni li fih inħasset ir-realtà ta’ Knisja fil-mixja tagħha lejn l’Ut Omnes … li jkunu lkoll ħaġa waħda.

Wara l-konċelebrazzjoni tal-Quddiesa tal-Ħadd li tmexxiet mill-Isqof J. Galea Curmi, panel magħmul minn żgħażagħ u adulti qasmu diversi ideat u esperjenzi li wrew kif l-impenn ta’ qrubija jista’ jkun rimedju għal dinja mifnija bil-ġrieħi tas-solitudni, tal-indifferenza, tal-individwaliżmu….

“L-għeluq tal-għajnejn quddiem il-proxxmu, jagħmilna għomja anki quddiem Alla……L-imħabba hi d-dawl waħdieni li jdawwal mill-ġdid dinja mudlama u jagħti kuraġġ….” Dan il-kliem ta’ Papa Franġisku li kien ikkwotat minn Margaret Karram, il-President tal-Moviment tal-Fokolari fit-tema li kitbet dwar il-Qrubija, kien ikkwotat ukoll fil-konklużjoni tal-Mariapoli flimkien ma’ xi punti oħra minn din it-tema.

Meta tkun għext esperjenza daqshekk sabiħa u l-Mariapoli tasal fi tmiemha, kważi b’mod spontanju jiġik li tistaqsi: u issa la noħorġu minn hawn, x’ser jiġri? Kien biżżejjed ftit ħin ta’ riflessjoni, biex wasalt għat-tweġiba li sibtha f’dak li għexna matul dan il-weekend stess. Ħassejt vuċi fija tqanqalni biex nibqa’ miexja qrib tal-oħrajn u flimkien magħhom: “Ibqgħu mexjin, jiena magħkom!”. U ftakart li aħna ġejna maħluqa biex inkunu ta’ don għal xulxin, imsejħa biex inkunu bnedmin ta’ tama, u fuq kollox li għandna ċ-ċans tad-deheb li nħobbu ‘l Ġesù f’dawk kollha li b’xi mod insibu ruħna qrib tagħhom!

Vivienne Attard

Servizz fotografiku: Anthony Dimech

Il-Moviment tal-Fokolari jilqa’ b’sogħba kbira l-aħbar tat-tluq lejn is-Sema tal-Arċisqof Emeritus Mgr. Paul Cremona.

L-Arċisqof Cremona  jibqa’ mfakkar bħala r-ragħaj bi tbissima ħelwa ħierġa minn qalb twajba, li serva lill-poplu kollu  b’imħabba kbira. Il-ġentilezza u l-umilta’ tiegħu, flimkien mad-dedikazzjoni kbira li biha mexxa  l-Arċidjoċesi tagħna fuq il-passi tal-Vanġelu, żgur li ħallew marka fuq  għadd kbir ta’ qlub.

F’dan il-waqt ta’ dieqa, magħqudin  fit-talb,  nitolbu lill-Mulej, li hu qeda b’fedelta’ kbira,  jilqgħu  fi ħdanu  u  jagħtih il-mistrieħ ta’ dejjem.

Margaret Karram, il-President tal-Moviment tal-Fokolari bagħtet messaġġ lill-Papa Franġisku biex tiżgurah li hi qrib tiegħu u li qed titlob għaliħ b’ ħerqa kbira.

Kitbitlu hekk: “Jalla l-Madonna tħaddnek bl-imħabba tagħha ta’ omm u bit-tenerezza kollha li int dejjem irrakkomandajt għall-ġid ta’ kull persuna qrib tagħna u ta’ kull nazzjon.”

U żiedet tgħidlu: “ Nixtieq inwassallek it-tgħanniqa tal-Moviment tal-Fokolari kollu li kulfejn jinsab fid-dinja qiegħed jitlob u joffri kollox għalik. Aħna nħossu gratitudni kbira lejk, għal ħajtek mogħtija b’mod sħiħ lil Alla u għall-ġid tal-umanità”.

Photo: © Raffaelle Orefice–CSC Audiovisivi

Artiklu ppubblikat fil-gazzetta il-Leħen, 20 ta’ Ottubru 2024

L-uffiċċju ta’ Missio Malta dan l-aħħar inawgura kappella ġdida. Dan l-ispazju ser iservi bħala post ta’ qima u meditazzjoni għall-impjegati, voluntiera u viżitaturi. Id-disinn tal-kappella ġie fdat f’idejn l-artist Malti Anthony Patrick Vella li hawn jaqsam l-esperjenza tiegħu magħna.

“Ġurnata waħda rċevejt telefonata mingħand Dun Victor Agius, Direttur ta’ Missio Malta (l-Aġenzija Missjunarja uffiċjali tal-Knisja Kattolika), hu gharrafni bix-xewqa tieghu li joħloq Kappella tal-Adorazzjoni fi ħdan il-kumpless ta’ Missio.

Mill-ewwel aċċettajt l-offerta ta’ Dun Victor u malajr kienet skedata laqgħa fl-uffiċċju tiegu sabiex niddiskutuha. Niftakar li matul dik il-laqgħa ppruvajt inbattal lili nnifsi, l-aktar billi nilqa’ lill-istaff u billi ppruvajt nakkomoda l-bżonnijiet u x-xewqat tagħhom għall-proġett.

Sussegwentement, permezz tal-qsim ta’ idejat  bdejna nahdmu flimkien, ċerti mill-preżenza ta’ Ġesù f’nofsna. Kont bdejt inħoss xi ħsibijiet u ħassejt li d-determinazzjoni tiegħi li nwettaq il-ħidma kienet effett ta’ grazzja speċjali; fil-fatt ma llimitajtx ruħi għal proposta waħda imma erbgħa! Tul il-proċess, ma naqsux diffikultajiet u avversitajiet, iżda bil-preżenza ta’ Ġesù fostna, għinna lil xulxin biex inwettqu aħjar il-ħidmiet tagħna.

Dun Victor qalli li mill-erba’ proposti, l-ewwel waħda kkomunikatlu sens ta’ serenità, għalhekk iddeċidejna li mmorru b’dan id-disinn. Peress li l-ispazju fil-kappella huwa f’forma ta’ ‘L’, maqluba vertikalment, u għalhekk forma definita, ridt noħloq is-sensazzjoni ta’ vjagg fid-direzzjoni tal-arloġġ.

Nixtieq niddeskrivi fil-qosor il-kunċett wara d-disinn. Tibda fl-elevazzjoni (front elevation), mill-ħajt tax-xellug, li juri l-ħajja tal-missjunarju. Dan huwa rappreżentat minn ħames pitturi żgħar mdendla orizzontalment, fejn kull pittura tirrakkonta stadju fil-ħajja missjunarja. Il-viżitaturi jistgħu jaraw riflessjoni tagħhom infushom mhux biss b’mod figurattiv f’kull pittura, iżda wkoll fil-framment tal-mera li jghamlu parti essenzjali mill-kompożizzjoni tal-pittura.

Fuq il-ħajt li jmiss, hemm it-tieqa tal-ħġieġ (stained glass). Il-biċċiet tal ħġieġ isegwu kurvi li jmorru f’direzzjoni tal-lemin. Dan jissimbolizza l-“Iva ta’ Marija u l-Mant tagħha” li minnha toħroġ il-forma tas-Salib. Dan huwa magħmul minn riċess kontinwu li jdur lejn il-lemin. Dawn il-ħitan ikkurvati jiġu interrotti minn spazju sabiex iħalli d-dawl naturali jidhol fl-ispazju, u mbagħad il-kurva tkompli sakemm tasal fil-parti kulminanti li hu Ġesù fit-tabernaklu.

L-idea tal-kurvi fid-disinn ġenerali tirrappreżenta dak li darba qalet Chiara Lubich: “Fil-preżenza ta Ġesù u Marija, aħna qegħdin fi ħdan il-Missier”. Permezz tal-għażla tal-kuluri, prinċipalment it-tonalitajiet naturali tal-art u l-hitan, ridt inwassal is-sensazzjoni li nkunu f’nofs in-natura, fiċ-ċentru tal-ħolqien. Għall-bankijiet u l-artal għażilna injam tal fraxxnu b’vernic naturali, biex jakkumpanja l-viżjoni tan-natura. L-erba’ bankijiet huma magħmula minn erba’ arki konċentriċi.

L-artal huwa f’forma ta’ ellissi; dan mghandux saqajn mal-art, imma joħroġ barra mill-ħajt bħal xkaffa sabiex jagħti sens ta’ kontinwità lill-ambjent. It-tabernaklu huwa magħmul minn ċilindru tal-metall miżbugħ b’lewn id-deheb antik. Id-dijametru huwa ħamsa u sebgħin ċentimetru u fiċ-ċentru hemm kontenitur żgħir ċirkulari li jospita l-Ewkaristija. Mid-disinn ċirkolari, erba triangoli angolati joħorġu f’forma ta’ salib li jiffurmaw stilla, li tirrappreżenta l-Istilla tat-Tramuntana li tiggwida lill-missjunarji fi triqithom.

Sa mill-bidu, din l-esperjenza nbniet fuq relazzjonijiet ma’ dawk kollha li ħadmu biex tinħema l-kappella. Tant skambji ta’ ideat u ħin mgħoddi ma’ dawn in-nies! Inħoss li arrikkijtni mhux biss professjonalment iżda wkoll umanament. Jien dejjem se nġorr dan f’qalbi. Kull mument kien storja umana u divina li żiedet maduma oħra mal-mużajk ta ħajti. Se niftakar għal dejjem ir-relazzjonijiet sbieħ u l-imħabba li daħlu fihom il-voluntiera. Nista’ ngħid li din l-esperjenza saħħet il vokazzjoni tieghi fis-soċjetà.

Nixtieq nikkonkludi billi nafferma li l-arti mhux biss tikkomunika kunċetti varji, imma wkoll, tohloq armonija u tgħaqqad il-ġnus: ars concordiae gentium.”

Anthony Patrick Vella

Nixtieq li  nwassal ix-xewqat tiegħi, l-isbaħ xewqat tiegħi għall-Milied, lilkom ilkoll  fid-dinja kollha;
imma qabel kollox, nixtieq li flimkien magħkom ngħid grazzi lil Ġesù,
l-ewwelnett talli għoġbu jiċċekken daqshekk  u jkun hu li  jħobbna l-ewwel,
u talli għallimna xi jfisser inkunu qrib l-oħrajn u nħobbuhom b’dik l-mħabba li ma tafx b’kejl.
Ejjew, mela, nitolbuh jiftaħ qlubna  biex aktar minn qatt qabel  inkunu lesti li nilqgħu lil kulħadd u nibnu relazzjonijiet sinċieri  ħalli hekk inwasslu l-paċi u t-tama lil kull persuna.

Il-Milied it-tajjeb lil kull wieħed u waħda minnkom!

Margaret Karram

Il-President tal-Fokolari kienet waħda mill-mistednin speċjali li ħadu  sehem fil-ħidma tas-Sinodu matul ix-xahar ta’ Ottubru 2024.

Għeżież, insellmilkom!
Kif qed taraw, ninsab propju hawn, fi Pjazza San Pietru. Għadha kif ġiet fi tmiemha l-Quddiesa fil-konklużjoni tas-Sinodu. Kif tafu din l-esperjenza,  din il-mixja sinodali ilha sejra tlett snin. Din kienet  grazzja kbira, don t’Alla, mhux biss għalija personali, imma hi grazzja għall-Moviment tal-Fokolari kollu.

Fl-omelija, il Papa għadu kif qalilna li “m’aħniex Knisja muta, imma Knisja  li tisma’ l-għajta tal-umanità”. “Mhux Knisja bilqiegħda, imma Knisja miexja”. U din kienet l-esperjenza tiegħi matul dan ix-xahar;  irriflettejna fuq ħafna argumenti u sfidi li l-Knisja qed tgħix illum, u anki  fuq dawk li d-dinja tal-lum għaddejja minnhom, il-gwerer, l-immigrazzjoni. Iddiskutejna ħafna affarijiet oħra, u għamilna dan b’mod tassew sinodali.

Dan kien l-eżerċizzju tagħna kuljum. Kien hemm laqgħat madwar mejda ma’ xi wħud u laqgħat oħra fejn konna lkoll flimkien. Jien kont ma’ grupp li ġew mill-ħames kontinenti: mill-Awstralja, mill-Amerika, mill-Ewropa, mill-Asja u mil-Lvant Nofsani.  Kien hemm isqfijiet, kardinali, lajċi, miżżewġin, nisa, rġiel u anki delegati minn diversi  Knejjes Insara oħra: kulħadd ta is-sehem tiegħu  biex  ir-riflessjoni tkun aktar rikka u biex tikber il-komunjoni  ta’ bejnietna, kemm bħala Knisja Kattolika kif ukoll ma’ Knejjes oħra.

Ħassejt  tant ferħ meta bdejt nara  dak li Chiara kienet toħlom:  Knisja li hi aktar komunjoni, Knisja li tista’ tkun espressjoni tal-armonja, kif qalilna l-Papa: il-keyword ta’ dan is-Sinodu, ta’ dak li għexna, kienet l-unità bħala armonija. Għax rajna li minkejja d-differenzi ta’ bejnietna  fil-kultura, fl-età, fil-pożizzjoni, fir-responsabbiltà, qabel kollox konna aħwa u stajna  naqsmu bejnietna l-affarijiet l-aktar profondi li hemm f’qalbna.

Qsamna wkoll il-ħafna tbatijiet li għaddejja minnhom il-Knisja, u għamilna dan bla mistħija (li ngħidu x’inhuma). Din kienet xi ħaġa li tant laqtitni: il-Knisja ma stħatx titkellem dwar dak li sar ħażin; għamlet dan  b’umiltà u talbet maħfra: l-ewwelnett lil Alla, imma wkoll lil dawk ħutna li  ġegħilniehom ibatu.

Issa importanti li l-affarijiet ma jifqux hawn;  dan irid  ikun il-punt tat-tluq għalina lkoll, biex nimxu flimkien, għax it-titlu tas-Sinodu kien: “għal Knisja missjunarja”: missjunarja fil-parteċipazzjoni, fil-komunjoni, fil-missjoni.

Nixtieq ngħid xi ħaġa fil-qosor għal dawk li għal issa mhux ser jirnexxilhom jaqraw id-Dokument kollu. Ser naqsam magħkom dak li laqtani wara li qrajtu bil-ħeffa. Hu maqsum f’ħames partijiet:

L-ewwel: L-Ispirtu s-Santu jsejħilna għall-konverżjoni; inħossha ħafna din il-ħaġa, din is-sejħa għall-konverżjoni għax is-sinodalità hi bħal profezija b’aspett soċjali li biex ngħixuha hemm bżonn ta’ spiritwalità. Mhijiex sinodalità li tfisser biss mixja flimkien, imma hi sinodalità li teħtieġ spiritwalità. U biex tgħix  spiritwalità trid axxeżi, umiltà, u trid il-paċenzja ħalli żgur nimxu flimkien, u titlob li nkunu lesti  li naħfru u  nkunu maħfura.

It-tieni hi l-konverżjoni fir-relazzjonijiet; dan ifisser li l-bażi li fuqha nibnu kollox trid tkun ir-relazzjoni mal-persuni li magħhom  niddjalogaw. Il-mod kif nieħdu ħsieb ir-relazzjonijiet mhijiex strateġija jew strument biex ikun hemm organizzazzjoni li tkun aktar effikaċi, imma hi l-mod li bih Alla l-Missier juri  lilu nnifsu f’Ġesù, fl-Ispirtu.

It-tielet hi l-konverżjoni fil-proċess,; din kienet xi ħaġa li dħalna sew fil-fond tagħha: id-dixxerniment fuq kif ngħixu r-responsabbiltajiet tagħna, it-tmexxija tagħna, ir-responsabbiltajiet tagħna fil-Knisja, fil-komunitajiet li nagħmlu parti minnhom. Għalhekk important li ngħixu t-trasparenza, li nagħtu rendikont, kif ukoll li nevalwaw  dak kollu li nagħmlu u l-ħidma tagħna sabiex inkunu kredibbli, anki quddiem is-soċjetà.

Ir-raba’ punt hi l-konverżjoni fir-rabtiet. Il-konverżjoni sinodali tistieden lil kull persuna biex tkabbar l-ispazju ta’ qalbha, il-post ewlieni fejn jidwu r-relazzjonijiet tagħna li għandhom l-għeruq tagħhom  fir-rabta personali tagħna ma’ Ġesù u mal-Knisja.

Il-ħames punt jitkellem fuq il-formazzjoni, fuq l-importanza li jkun hemm il-formazzjoni għalina lkoll, formazzjoni sħiħa u kontinwa, li tkun  kondiviża fil-livelli kollha fil-Knisja u li tkun għal kulħadd.
Dan hu li rridu nkomplu nagħmlu. Issa wasalna għall-fażi li fiha rridu nwettqu   dak kollu li tgħallimna matul dawn it-tlett snin. Għalhekk inħoss responsabbiltà kbira li l-Moviment kollu jisma’ dan l-appell, din is-sejħa ġdida biex ngħixu l-messaġġ ta’ dan is-Sinodu.

Inħoss li għandi nitlaq  minn din il-pjazza, fejn fis-Sala Pawlu VI għexna għal xahar sħiħ mad-dinja kollha, inħoss li għandna nitilqu minn hawn biex inkunu missjunarji tas-sinodalità.
Insellmilkom ilkoll u nirringrazzjakom ħafna tat-talb tagħkom li akkumpanjani matul dan ix-xahar, li kien impenjattiv, imma  mhux tqil; kien grazzja immensa. Insellmilkom!

Niżżel il-fuljett tal-Kelma tal-Ħajja bil-Malti

“Mulej, kemm hu sew li aħna hawn!” (Mt 17, 4).

Ġesù u d-dixxipli tiegħu kienu fi triqthom lejn Ġerusalemm. Kif ħabbrilhom li hemmhekk hu kien se jbati, imut u jirxoxta, Pietru ma qabilx miegħu għax skont hu, in-nies żgur ma kenitx se tifhem ħaġa bħal din. Għalhekk l-imgħallem ħa lilu, ʹil Ġakbu u ʹl Ġwanni, tela’ fuq “muntanja għolja”, u hemmhekk dehrilhom kollu dawl: wiċċu “sar jiddi bħax-xemx” u dehru wkoll Mosè u Elija jitħaddtu miegħu. Il-Missier samma’ leħnu minn ġo sħaba mdawla u stedinhom jisimgħu lil Ġesù, Ibnu l-għażiż. Kif ra dan kollu, Pietru ma riedx jitlaq minn hemm u qal: 

“Mulej, kemm hu sew li aħna hawn!” 

Ġesù stieden lill-ħbieb l-aktar intimi tiegħu biex jgħixu esperjenza li kienu se jibqgħu jiftakru fiha u jgħożżuha f’qalbhom ħajjithom kollha. 

Forsi aħna wkoll f’ħajjitna xi darba ħassejna b’mod qawwi l-preżenza t’Alla u tal-ħidma tiegħu kollha ferħ, paċi u dawl, u xtaqna li dawn il-mumenti ma jintemmu qatt. Dawn huma mumenti li nħossuhom meta nkunu miġbura ma’ oħrajn, jew permezz ta’ oħrajn. Infatti, l-imħabba lejn xulxin tiġbed lejha l-preżenza t’Alla, kif wegħedna Ġesù nnifsu: “Fejn tnejn jew tlieta jkunu miġbura f’ismi hemm inkun jien f’nofshom” (1). Xi drabi, f’waqtiet intimi bħal dawn, Hu jurina lilna nfusna u jwassalna biex inħarsu lejn il-ġrajjiet bl-istess ħarsa tiegħu. 

Dawn l-esperjenzi jsaħħuna biex nifilħu ngħaddu minn inkwiet u xogħol iebes fil-mixja tal-ħajja. B’hekk inkunu ċerti li Alla jieħu ħsiebna u jsejħilna biex nissieħbu miegħu fl-istorja tiegħu ta’ salvazzjoni. 

Tant hu hekk li, kif it-tliet appostli flimkien ma’ Ġesú niżlu minn fuq il-muntanja, id-dixxipli baqgħu sejrin ilkoll flimkien lejn Ġerusalemm, fejn kien hemm tistennihom folla kbira mimlija tama. Imma fosthom kien hemm ukoll min ried jonsbu, min kien kontrih; kien hemm ukoll nuqqas ta’ qbil dwar min kien Ġesù, filwaqt li kien hemm oħrajn li saħansitra kienu jobogħduh. Hemmhekk “kienu se jinfirxu u jintbagħtu sa truf l-art biex jagħtu xhieda tas-Saltna t’Alla”, li hi d-dar tagħna fis-smewwiet imħejjija għalina l-bnedmin (2). 

Minn din id-dinja stess, id-dixxipli setgħu jibnu din d-dar fost il-bnedmin, għax huma ġa kienu għexu fiha meta kienu ma’ Ġesù hemm fuq il-muntanja.  

“Mulej, kemm hu sew li aħna hawn!”

 “Qumu, tibżgħux” (3). Din kienet l-istedina li Ġesù għamlilhom fi tmiem din l-esperjenza straordinarja. Hi stedina li qed jagħmel lilna wkoll; u bħad-dixxipli u l-ħbieb tiegħu, aħna nistgħu niffaċċaw bil-kuraġġ dak kollu li hemm jistennina fil-ħajja.

Chiara Lubich għamlet esperjenza simili f’Awwissu tal-1949, meta hi u sħabha marru għal btala fuq id-Dolomiti. Waqt dawn il-ġranet ta’ mistieħ u kontemplazzjoni profonda dwar il-misterji tal-fidi tagħna, huma għamlu esperjenza qawwija tal-preżenza t’Alla fosthom. Għexu żmien ta’ dawl straordinarju, li għadu magħruf sallum bħala “l-Ġenna tal-1949”. Chiara ma xtaqitx kieku tinżel minn fejn kienu u tmur lura għall-ħajja ta’ kuljum.  

Imma mbagħad dan għamlitu b’ħeġġa ġdida għax fehmet li kien eżattament minħabba dik l-esperjenza li hi kellha “tinżel minn fuq il-muntanja” sabiex tkompli ħidmietha bħala għodda f’idejn Ġesù, fit-twettiq tas-Saltna tiegħu. Għalhekk, f’ħajjitha ħadmet ħafna biex twassal l-imħabba u d-dawl tiegħu eżattament hemm fejn dawn kienu nieqsa.  

“Mulej, kemm hu sew li aħna hawn!”

Meta nħossuna fid-dlam, aħna rridu niftakru fiż-żminijiet li fihom il-Mulej kien dawwalna. U jekk

għadna m’għamilniex l-esperjenza tiegħu li Hu jinsab il-ħin kollu qrib tagħna, irridu naraw kif nagħmluha. Bil-ħila kollha tagħna rridu “nitilgħu fuq il-muntanja”, ħalli hemm niltaqgħu miegħU f’ħutna l-bnedmin, nadurawH fil-Knejjes tagħna, u nammiraw sbuħitu fin-natura.

Hu jinsab dejjem hemm għalina: biżżejjed nimxu miegħU filwaqt li nżommu s-skiet ġewwa fina biex hekk inkunu nistgħu nisimgħuH, kif għamlu Pietru, Ġwanni u Ġakbu4.

 Silvano Malini u t-team tal-Kelma tal-Ħajja

 1: Mt 18, 20.

2: T. Radcliffe, OP, it-tieni meditazzjoni lill-parteċipanti fl-Assemblea Ġenerali tas-Sinodu tal-Isqfijiet, Sacrofano, l-1 ta’ Ottubru, 2023: https://www.vaticannews.va/it/vaticano/news/2023-10/testi-meditazioni-padre-radclifferitiro-sacrofano-sinodo.html

3: Mt 17, 7.

4: Cf. Mt 17, 6.

Din is-sena qed niċċelebraw il-75 sena tal-Patt bejn Chiara u Igino Giordani. Dan il-Patt tant hu prezzjuż li qatt ma nistgħu naslu biex nifhmu x’ifisser b’mod sħiħ u nwettquh.

F’dan il video huma stess  jirrakkuntaw l-esperjenza profonda tagħhom tas-16 ta’ Lulju ’49

Genfest, the worldwide event-experience organised by the youth of the Focolare Movement, will take place in Brazil, from the 12th to the 24th of July.  A further 44 local events will be held in 32 different countries

“Peace between peoples, the care of the planet, economics and politics that put the person, justice and dignity at the centre. At the Genfest we will work, discuss and plan for this at a worldwide level”. This is what the youth of the Focolare Movement say, explaining the gathering of thousands of young people for this international event from the 12th to the 24th of July. 

The event “Juntos para cuidar” aims, as the title suggests, to promote care together at a worldwide level for the most vulnerable and distressed individuals and sectors of humanity, regardless of cultural, ethnic or religious differences. 

In this period of change, a new cultural paradigm is needed, no longer based on the individual, but on social relationships open to all in a culture of universal fraternity. 

In this perspective complexities are valued rather than eliminated, in a deeper understanding of the story of humanity and its peoples. 

Genfest 2024 will have three phases: voluntary work, a main event, and the creation of groupings (‘communities’) according to academic or professional interest, which will remain connected and work for the furthering of a more united world in countries of origin.  It aims to be an immersive experience, where the leaders and thinkers are the youth themselves. Dialogue and collaboration between generations will be the essential components for the changes to be proposed to international institutions. 

Some parts of the event will be streamed on the Genfest 2024 Youtube channel. 

As a conclusion, the new steps and existing or nascent projects which aim to build a more united and peaceful world will be brought together in a document to be presented to the United Nations Summit of the Future (22-23 September 2024). It will contain projects and practical ideas for a more just and fraternal world, as a contribution to the UN 2030 Agenda. 

 Those who cannot participate in the main event in Brazil can find an event nearer to home. There will be 44 local Genfests: in South Korea, India, Sri Lanka, The Philippines, Pakistan, Vietnam, Jordan, Egypt, Burundi, Tanzania, Angola, Zambia, Kenya, Ethiopia, South Africa, DRC, Ivory Coast, Cameroon, Burkina Faso, Peru, Bolivia, Mexico, Guatemala, Argentina, Hungary,  Serbia, Czech Republic, Slovakia, Germany and Italy. 

Juntos para cuidar: the program

Experience – The first week of Genfest, from the 12th to the 18th of July, is an “immersive” experience of voluntary work in one of 40 projects and organisations offering opportunities in various countries of Latin America and elsewhere. These activities are the result of collaboration with UNIRedes, which brings together more than 50 organisations, projects and social movements in 12 countries of Latin America and the Caribbean, promoting transformation in various spheres (art and culture, the environment, democratic government, education, work, etc.) through the active commitment of all those involved. 

 Celebrate – From the 18th to the 21st of July the youth will come together for the main event at the National Shrine Arena in Aparecida. They will hear experiences and share strategies for peace and fraternity also through artistic and musical presentations. The event will be streamed to more than 120 different countries. It will be a wide-ranging festival of ideas and initiatives and inspire thousands of young people of many different cultures, ethnic groups and religions to live for a united world. 

Learning and sharing – The third phase is from 21st to the 24th of July. The young people will come together in eight groupings called ‘communities’, according to their fields of interest: economics and work, interculturality and dialogue, spirituality and human rights, health and ecology, art and social commitment, education and research, communication and media, active citizenship and politics. 

In these spaces the young people will learn, discuss, and formulate new ways of shared commitment to spread the culture of fraternity, through local projects in a global perspective. Returning to their countries of origin, they will work locally in their preferred sector, growing in a culture marked by fraternity and relationality. 

An international team of academics, professionals, social and political activists and leaders – young and old – will assist the participants in their discussions and group work. 

Among those who have confirmed their presence: Luigino Bruni, economist (Italy), Choie Funk, architect and social activist (Philippines), Jander Manauara, rapper and activist (Brazil), Carlos Palma, coordinator of Living Peace (Uruguay), Myrian Vasques, Indigenous advisor (Brazil), Silvina Chemen, director of the Centre for Interreligious Dialogue at the Rabbinic Seminary (Argentina), John Mundell, director of the Vatican Laudato Si Action Platform (USA), Nicolas Maggi Berrueta, violinist, Peace Ambassador (Uruguay), Israa Safieddine, education consultant and specialist in the teaching of Islam (USA). 

Stefania Tanesini 

Genfest_Factsheet 1_Story, goals and perspectives

The Genfest is held every six years on an international level. This year it will take place for the first time in Brazil, in a journey divided into three phases:

• phase one: from the 12th to the 18th July will include social actions throughout Brazil and Latin America, followed by
• phases two and three: between July 19th and 24th, in the City of Aparecida, State of São Paulo, Brazil.

More information: https://genfest.org/en/home-en/