[:mt]Xtaqna naqsmu magħkom silta minn dak li Chiara Lubich qalet fil-11 ta’ Awwissu 1987, meta sellmet lill-membri tal-Moviment tal-Fokolari fl-okkażjoni ta’ din il-festa.
“(…) Illum hi l-ġurnata li fiha nfakkru lil Santa Chiara t’Assisi. Sa minn meta konna għadna żgħar dejjem laqatna dak li Santa Chiara qalet lil San Franġisk meta dan kaxkarha għal warajh biex timxi fi triqtu. San Franġisk kien staqsieha: “Binti x’tixtieq?” Kont tistenna li tgħidlu: “Irrid nimxi warajk fit-triq tal-faqar, irrid insir soru, irrid ningħalaq f’kunvent”. Iżda minflok, meta staqsieha: “Binti x’tixtieq?”, hi wieġbet: “Alla”.
Xtaqet lil Alla għax għażlet lil Alla, għax Alla għażilha.
Din hi l-istess għażla li aħna għamilna fil-bidu tal-Moviment; għamilna għażla waħda: Alla. Hu feġġ minn fost il-bumbardamenti u l-affarijiet l-oħra kollha. U aħna emminna f’Alla u għamilnieh l-Ideal ta’ ħajjitna. U din l-għażla t’Alla narawha dejjem xi ħaġa ġdida, għax twassalna biex inwarrbu dak kollu li bih nistgħu nsiru sinjuri, forsi anki bla ma nindunaw. Nistgħu nsiru sinjuri bil-fokolare, b’xi affarijiet, bil-ħsieb tagħna, bl-istudju, bi qrabatna (…) u b’tant affarijiet oħra.
L-ideal tagħna hu Ġesu’ abbandunat, li sar xejn, li xejjen lilu nnifsu, u Hu jwassalna biex inwarrbu dan kollu ħalli npoġġu lil Alla fl-ewwel post, u l-bqija nagħmluh għax ikun rieda t’Alla għalina.
Dan hu li qed terġa’ tfakkarna Santa Chiara llum. Hi għamlitu billi għażlet it-triq tal-faqar; aħna nagħmluh billi nagħżlu t-triq tal-unita’, billi nżommu l-preżenza ta’ Ġesu’ fostna, billi Ġesu’ li qam mill-mewt ikun fostna għax inħobbu lil Ġesu’ abbandunat”.
Chiara Lubich
Mollens (Svizzera), 11 ta’ Awwissu 1987
[:en]Extract of a talk given by Chiara Lubich, to members of the Focolare Movement, on the Feast of St Claire, 11 August 1987.
“When we were young we were always greatly struck by a phrase that Saint Claire told St Francis when the latter drew her into following his way. St Francis asked her: “My child, what do you want?” One could expect all kinds of answers, like: “I would like to follow you in the way of poverty; I want to become a nun; I want to enter a convent,” and so on. Instead to the question “My child, what do you want?” she answered: “God”. She wanted God because she was choosing God as God had chosen her.
It’s the same choice that we also made at the beginning of the Focolare Movement. We made only one choice: God! Beyond the bombings and everything else, God emerged. We believed in God and we chose God as the ideal of our life.
This choice of God makes us put aside all those riches that we may accumulate, perhaps even without realizing it. We might be rich of our work with the Focolare Movement, our possessions, our ideas, our studies, our relatives (…). Our ideal, which is Jesus Forsaken, who made himself nothing, makes us put all of this aside so as to have God first and do all the rest as an expression of the will of God.
This is what St Claire reminds us of again today. She did it by choosing the way of poverty; we do it by choosing the way of unity, always having Jesus in our midst, the Risen One, through our love for Jesus Forsaken.”
Chiara Lubich
Mollens (Switzerland), 11 August 1987
[:]
