[:mt]It-tweġiba malajr waslet[:en]The response was immediate[:]

[:mt]Esperjenzi marbuta maċ-ċirkostanzi partikulari li qed ngħixu fihom minħabba l-pandemija.

Naf x’nagħmel – nagħtiha l-kompjuter tiegħi

Kont qed nieħu sehem f’laqgħa online meta waħda minn sħabi qasmet magħna li hemm familja  għaddejja minn problemi ekonomiċi serji  u li t-tifla tagħhom għandha bżonn ta’ kompjuter  biex f’dan iż-żmien tal-coronavirus tkun tista’ tkompli l-lezzjonijiet u l-istudju tagħha mid-dar. Minħabba li jien għalliema, malajr stajt nifhem kemm hu bżonnjuż il-kompjuter għal din it-tfajla. Kif nista’ ngħinha?

Naf x’nagħmel – ħsibt – nagħtiha l-kompjuter tiegħi, u nuża biss il-laptop. Kien hemm xi ħaġa żgħira li riedet tirranġa ruħha f’dan il-kompjuter, u għalkemm għall-ewwel  ma kienx faċli nsib min jirranġaha, iżda fl-aħħar irnexxili u stajt nagħtihulha fl-aħjar kundizzjoni  biex  tkun tista’ tibda taħdem fuqu mill-ewwel.  Din it-tfajla kienet kuntenta ħafna, imma anki jien kont kuntenta ħafna wkoll.

(S.Z)

Sirna nafu li  għandhom it-television set  bil-ħsara

Ilna snin ħbieb ma’ familja mis-Sirja. Din il-koppja li għandhom erbat itfal telqu minn Aleppo minħabba l-gwerra u qegħdin  Malta bħala refuġjati.  Bħalissa l-missier qed jagħmel xi xogħol barra minn Malta, imma l-mara u l-erbat itfal qegħdin hawn: joqogħdu f’appartament li poġġewh għad-dispozzjoni tagħhom koppja li tgħix l-ispiritwalità tal-unità.

Dejjem fittixna li nkunu qrib ta’ din il-familja u għalhekk  kemm ilha li  faqqgħet il-pandemija, għamilna kuntatt magħhom biex naraw jekk humiex tajbin u jekk għandhomx bżonn xi affarijiet tal-ikel. Staqsejna wkoll  jekk għandhomx bżonn xi ħaġa għat-tfal, l-aktar minħabba l-lezzjonijiet online li qed isiru mill-iskola. F’waħda mit-telefonati  sirna nafu li  għandhom it-television set  bil-ħsara. Għaddejna l-kelma bejnietna biex naraw x’nistgħu nagħmlu u t-tweġiba  malajr waslet: fi tlett ijiem kellhom television set id-dar; xi ħadd kellu television set ċkejken u kien lest li jagħtihulhom.

(A.C.)

[:en]Experiences related to the Covid-19 situation that we are living as a nation and globally.

I know what I’ll do. I’ll give her my computer

I was taking part in an online meeting during and at one point a friend shared about a family who was going through some financial problems. Their daughter needed a computer so that during the covid-19 situation she could continue following lessons from home. As a teacher, I really took this to heart. How could I help her?

“I know what I’ll do,” I thought. “I’ll give her my computer and I’ll just use the laptop.” Before giving it to her, there was something that needed to be fixed and although it wasn’t easy to find someone to fix it, in the end I succeeded and I was able to give it to her in the best condition possible so that she could start working on it right away. This girl was very happy, but I was happy too.

(S.Z)

We found out that their TV set was broken

We have been friends with a Syrian family for years. The couple with their four children had left Aleppo due to the war and now live in Malta as refugees. The father is currently doing some work overseas, but the wife and four children are here: they live in an apartment that was put at their disposal by a couple who live the spirituality of unity.

We have always sought to be close to this family and so ever since the pandemic broke out, we often contacted them to see if they were okay and whether they needed any food. We asked if the children needed anything, mainly because of the online lessons being conducted by the school. In one of the phone calls we learned that their television set was broken. We circulated the news and the response was immediate.  Within three days a television was delivered to their home; someone had a mobile TV that they were willing to donate.

(A.C.)

[:]