English
Malti
[:mt]
Chiara Lubich twieldet fi Trento, fl-Italja ta’ Fuq, fit-22 ta’ Jannar 1920. Ġiet mgħammda bl-isem ta’ Silvia; ħadet l-isem Chiara meta bħala membru tat-Terż Ordni Franġiskan tant kienet milquta mill-għażla t’Alla li għamlet Chiara t’ Assisi.
It-tieni gwerra dinjija kienet fl-aqwa tagħha meta hi għamlet esperjenza qawwija ta’ Alla Mħabba; qasmitha mal-ewwel ħbieb tagħha u flimkien għażlu lil Alla bħala “l-ideal” ta’ ħajjithom.
Kien fis-7 ta’ Diċembru 1943, meta ż-żagħżugħa Lubich tat lilha nnifsha b’mod sħiħ lil Alla b’vot tal-kastita’. Tfajliet oħra bdew isegwuha u madwarhom bdiet tifforma ruħha komunita’ li minnha twieled il-Moviment tal-Fokolari, li llum jinsab f’182 nazzjon u jħaddan fih nies ta’ kull eta’, minn kull qasam tal-ħajja, ta’ kultura u twemmin differenti.
Chiara Lubich hi meqjusa bħala waħda mill-figuri kariżmatiċi kbar ta’ żminijietna. Hi magħrufa għall-ħidma kbira li wettqet biex nies minn Knejjes differenti, ta’ reliġjonijiet differenti u anki oħrajn li m’għandhom ebda twemmin reliġjuż jagħrfu lil xulxin bħal aħwa u jagħtu s-sehem tagħhom għall-għaqda u l-paċi fid-dinja. Matul ħajjitha, hi bniet rabtiet mill-qrib mhux biss ma’ ħafna minn dawk li għażlu li jsegwuha fit-triq tal-unita’, imma wkoll ma’ Papiet, mexxejja ta’ Knejjes u reliġjonijiet, ma’ fundaturi ta’ Movimenti, ma’ diversi personalitijiet fil-ħajja ċivili u politika.
L-ispirtu tal-Moviment, li Chiara Lubich kienet il-president tiegħu sakemm damet ħajja, jipproponi stil ġdid ta’ ħajja anki fl-oqsma ċivili, ekonomiċi u politiċi. U hi rċeviet bosta rikonoxximenti minn diversi istituzzjonijiet akkademiċi internazzjonli għas-sehem f’dawn l-oqsma; fosthom anki lawrja h.c. mill-Universita’ ta’ Malta.
Chiara temmet il-vjaġġ tagħha fuq din l-art fl-14 ta’ Marzu 2008. Fl-2015 bdiet il-kawża tal-beatifikazzjoni tagħha. Hi ħalliet wirt kbir li għadu qed ikun ta’ ispirazzjoni mhux biss għall-familja tal-Moviment tal-Fokolari mxerrda mad-dinja kollha, imma wkoll għal ħafna u ħafna oħrajn.[:en]
Chiara Lubich (1920-2008) is the founder of the Focolare Movement, which is present in 182 countries and promotes the spirituality of unity. Its goal is to contribute towards the fulfillment of Jesus’ prayer: “May they all be one” (Jn 17:21).
Chiara, a great charismatic figure of our times, is well known for her tireless work to increase communion, fraternity and peace among people of different Churches, with followers of various world religions and with people who have no religious belief.
The spirit of the Focolare Movement aims at promoting a new lifestyle also in the civil field, as for example, in economics and in politics. International academic institutions awarded Chiara Lubich honorary degrees in a number of disciplines (theology, philosophy, psychology, economics, social sciences, etc.).
Chiara built a relationship of friendship with Popes, heads of Churches, founders of movements and political and civil leaders. She has left a great legacy that does not cease to inspire individuals and groups, who in turn influence every area of society. The process for her beatification and canonization began in 2015 and is currently in the diocesan phase.
[:]
Add Comment