Skip to content
  • Facebook
  • YouTube
  • Instagram
  • Email
Moviment tal-Fokolari

Moviment tal-Fokolari

Malta

  • Home
  • Min aħna
  • Chiara Lubich
  • Kelma tal-Ħajja
  • Attivita’
    • Mariapoli: “Il-Belt ta’ Marija”
    • Families
    • Tfal
    • Żgħażagħ
    • Teens
  • Djalogi
  • Media
  • Kuntatti
  • Multilanguage switcher
  • Toggle search form

Assemblea Ġenerali: Djarju 2 – 25/01/2021

Posted on January 25, 2021November 17, 2026 By Website Editor

Patt Globali

It-tieni ġurnata tal-Assemblea Ġenerali tal-Moviment tal-Fokolari bdiet b’talba ekumenika li kienet ippreżentata minn parteċipanti minn Knejjes differenti. Kienet talba lil Ġesù msallab u abbandunat sabiex jgħin lil kull wieħed minna “jikber fis-smigħ reċiproku”, jgħallimna “nilqgħu flimkien lill-Ispirtu s-Santu” u “l-għajta tal-bnedmin tal-lum” ħalli “insiru strumenti ta’ unità”.

Imbagħad saru xi votazzjonijiet li ma kienx hemm ħin għalihom il-bieraħ u li huma meħtieġa biex ir-regolament tal-Assemblea jkun jgħodd għall-mod virtwali li bih qed issir.

Għalhekk l-irtir għall-parteċipanti kollha, li jispiċċa nhar l-Erbgħa 27 ta’ Jannar, beda kemmxejn aktar tard. Dan l-irtir huwa parti kostituttiva mill-Assemblea kif hemm miktub fl-Istatut tal-Moviment, “sabiex l-eletturi (…) jkunu doċli għall-grazzja tal-Ispirtu s-Santu”.

L-ewwel tema magħżula kienet dik li poġġiet lill-parteċipanti quddiem dik li nistgħu nsejħulha ċ-ċavetta għad-dħul fil-mistika ta’ Chiara Lubich: il-patt solenni, li l-fundatriċi għamlet fis-16 ta’ Lulju 1949, fuq id-Dolomiti ma’ Igino Giordani, ko-fundatur tal-Moviment, li kien kittieb u politiku. F’dak il-patt – kif saħaq Fr Fabio Ciardi, Oblato ta’ Maria Immakulata u teologu dwar il-ħajja kkonsagrata- Chiara Lubich u Igino Giordani, kienu talbu lil Ġesù, li ftit qabel kienu rċevewh fl-Ewkaristija, sabiex ikun Hu stess li joħloq l-għaqda ta’ bejniethom. Talbuh juża d-disponibbiltà sħiħa u reċiproka tagħhom biex jilqgħu lill-ieħor, jivvalorizzaw il-ħsieb tal-ieħor, u hekk jagħmlu spażju għall-Ispirtu s-Santu.

Barra minn hekk, hu saħaq li l-maħfra u l-ħniena huma l-bażi għal dan il-patt, u l-parteċipanti kienu mistiedna jpoġġu din il-premessa fil-prattika. Fil-fatt, min ried seta’ jagħmel kuntatt ma’ xi parteċipant li xtaq jirrikonċilja miegħu/magħha qabel ma sar dan il-patt – ilkoll flimkien u kull wieħed bil-lingwa tiegħu – f’talba globali li marret ‘l hemm minn kull limitu.

Diversi stejjer u esperjenzi wrew kif din il-mistika komunitarja tista’ tissarraf f’ħajja: Vicky u Vic mill-Filippini rrakkuntaw kif għexu u għelbu l-infezzjonii mill-Covid 19; Somijt, buddista mit-Tajlandja qal kif qed ifittex li jgħix il-ħajja tiegħu bħala don għall-oħrajn skont it-tagħlim ta’ Bhudda. Jordi minn Spanja, anjostiku, rrakkonta kif flimkien ma’ martu li hi nisranija qed jimpenjaw ruħhom biex jikkordinaw diversi gruppi ta’ djalogu.

U Rassim, Musulman mill-Alġerija qal kif fil-Kuran qed isib il-kuraġġ biex jgħin lill-oħrajn u biex jiddikjara l-imħabba lejn l-oħrajn bla ebda kundizzjoni.

Fl-aħħar ta’ din il-ġurnata ta’ rtir, il-parteċipanti nqasmu fi 34 grupp fi kmamar virtwali fejn setgħu mhux biss jaqsmu ħsibijiet u riflessjonijiet, imma wkoll għixu dak li kien ippreżentat fis-sessjoni tal-lum: smigħ reċiproku u profond u akkoljenza sħiħa lejn xulxin.

Uffiċċju informazzjoni tal-Moviment tal-Fokolari

Source: https://www.focolare.org/en/news/2021/01/25/a-global-pact/

Aħbarijiet, Assemblea Ġenerali, Special Tags:Assemblea Ġenerali

Post navigation

Previous Post: Assemblea Ġenerali: Djarju 1 – 24/01/2021
Next Post: Assemblea Ġenerali: Djarju 3 – 26/01/2021

More Related Articles

It-tbatija mibdula f’għajn ta’ tama Aħbarijiet
Papa Franġisku jilqa’ l-Assemblea tal-Fokolari f’udjenza privata Assemblea Ġenerali
Assemblea Ġenerali: Djarju 12 – 5 ta’ Frar, 2021 Aħbarijiet

Laqgħat tal-Fokolari

Segwina fuq Instagram

Kotba

  • Here and Now
  • Tnedija ta’ ktieb: “Paradiso ‘49”
  • Kotba ġodda: “Ngħixu l-Kelma”
  • Conference Calls
  • “Letters 1939-1960”: Getting to know Chiara Lubich through her letters

Focolare News updates

Data policies

  • Id-Data Policies ta’ dan is-sit huma l-istess bħal dawk tal-Arċidjoċesi ta’ Malta.
  • The Data Policies of this website conform to those of the Catholic Archdiocese of Malta.

Safeguarding measures

  • Providing a safe environment
  • Listening points/safe space discussions
  • Guidelines and reports

Media

  • Press Releases
  • New City Press (UK)
  • Living City (NY)
  • Collegamento CH

Siti ta’ interess

  • Focolare International Site
  • Great Britain
  • Ireland
  • Philippines
  • USA & Canada
  • New Families

Copyright © 2026 Focolare Movement Malta | VO/1624 Fondazzjoni Dinja Magħquda – Moviment tal-Fokolari (Malta)