Skip to content
  • Facebook
  • YouTube
  • Instagram
  • Email
Moviment tal-Fokolari

Moviment tal-Fokolari

Malta

  • Home
  • Min aħna
  • Chiara Lubich
  • Kelma tal-Ħajja
  • Attivita’
    • Mariapoli: “Il-Belt ta’ Marija”
    • Families
    • Tfal
    • Żgħażagħ
    • Teens
  • Djalogi
  • Media
  • Kuntatti
  • Multilanguage switcher
  • Toggle search form

Assemblea Ġenerali: Djarju 7 – 30 ta’ Jannar, 2021

Posted on January 30, 2021November 17, 2026 By Website Editor

Ħarsa wara l-kwinti

Waqt li llum l-Assemblea kompliet taħdem fuq il-prijoritajiet u l-linji li trid timxi fuqhom fis-sitt snin li ġejjien, xtaqna nagħtu ħarsa lejn dak li qed isir wara l-kwinti biex insiru nafu lil dawk li qed iħaddmu dik “il-magna” li qed tagħmel din il-ġrajja possibbli. Minħabba li qed issir b’mod telematiku hemm bżonn network ta’ kollaboraturi u tekniċi speċjalizzati f’diversi oqsma, li wieħed ma jistax jaħdem mingħajrhom, mhux biss għax kollox qed isir fuq pjattaforma diġitali, imma wkoll biex tkun garantita l-validità ġuridika ta’ din l-Assemblea.

Fit-team tekniku tal-Assemblea tal-Moviment tal-Fokolari hemm 73 persuna. Ħafna jinsabu fiżikament fis-sede internazzjonali tal-Moviment f’Rocca di Papa, l-Italja, fil-waqt li oħrajn qed jagħtu l-ħidma tagħhom minn diversi pajjiżi tad-dinja: il-Brażil, il-Filippini, Franza, Guatemala, l-Ingilterra, l-Irlanda, l-Italja, l-Olanda, Spanja, it-Tajlandja u l-Istati Uniti.

20 persuna qed jaħdmu fil-qasam tal-informatika; dawnqed jieħdu ħsieb il-paġni tal-internet u diversi applikazzjonijiet oħra. 14 operators, li huma maqsuma f’żewġ gruppi qed jieħdu ħsieb id-diversi video-conferences. Hemm 34 oħra li qed jagħmlu t-traduzzjonijiet: ħidma ta’ kollaborazzjoni li qed issir minn 7 pajjiżi biex il-parteċipanti jkollhom it-traduzzjoni b’5 lingwi: Franċiż. Ingliż, Taljan, Portugiż u Spanjol. Imbagħad hemm team ta’ 5 persuni li qed jieħu ħsieb il-kordinament ġenerali tat-teams tekniċi kollha.

Iżda kif qalilna Francesco Mazzarella, li qed jaħdem minn Sqallija f’wieħed mit-teams tal-video-conferencing, din hi aktar minn network ta’ kollaboraturi jew tekniċi speċjalizzati. Kitbilna hekk:

Wara l-assemblea li qed issir online hemm grupp ta’ nies li jinsabu mifruxa mad-dinja kollha, il-“famużi” tekniċi, li saru jafu lil xulxin u nħolqot bejniethom rabta li tmur ‘l hemm mill-aspett tekniku.Bejnietna twieldet relazzjoni spiritwali, li kibret bil-mod il-mod, permezz ta’ mixja li nistgħu nsejħulha tekno-relazzjoni.

Xi drabi wieħed ma jaħsibx dwar dak kollu li jkun qed jiġrisabiex ġrajja tkun tista’ sseħħ. Illum għandna l-isfida tal-Web, bl-inċertezzi u l-isfidi li ġġib magħha, u anki l-possibbiltajiet li hemm marbuta magħha.    

L-isfida ta’ din l-Assemblea hi li jirnexxilna nimmaniġġaw  mingħajr ma naraw lil xulxin, mingħajr ma nistgħu fiżikament inkunu flimkien.

L-akbar sfida għat-tekniku hi li jaqsam ma’ oħrajn l-kompetenzi li jkun kiseb bl-għaraq ta’ xbinu u bl-istudju, li jkun hemm xi xorta ta’ qsim b’fiduċja. Ħa nispjega: għalkemm tekniku jkun għażel li jaħdem billi jsegwi l-prinċipji tal-ispiritwalità tal-unità, dejjem jibqa’ professjonista, għajjurgħax-xogħol u l-kompetenzi tiegħu. Mhux faċli li jaqsam ma’oħrajn metodi u proċeduri li jkun wasal għalihom b’ħafna xogħol u studju. Meta tagħmel dan tkun qed tagħmlu b’att ta’ fidi, għax ikollok fiduċja fl-ieħor li taf li qiegħed hemm biex iħobb, tagħmlu għax temmen li trid tagħti lilek innifsek biex tibni l-Assemblea.  Ġabra flimkien ta’ konnessjonijiet telematiċi u ta’ qlub hi propju l-bażi tekno-relazzjoni ta’ din l-avventura msejħa Assemblea online.

Is-soltu, il-preżenza tat-tekniċi toħroġ fid-dieher biss meta xi ħaġa ma tiffunzjonax tajjeb. F’din l-Assemblea l-affarijiet huma differenti: bil-ħidma u “l-istil” tagħhom qed jibnu din il-ġrajja kuljum. Grazzi lil kulħadd !

Uffiċċju informazzjoni Moviment tal-Fokolari

Aħbarijiet, Assemblea Ġenerali, Special Tags:Assemblea Ġenerali

Post navigation

Previous Post: Assemblea ġenerali: Djarju 6 –  29 ta’ Jannar  2021[:]
Next Post: Margaret Karram: Il-President il-ġdida tal-Moviment tal-Fokolari

More Related Articles

It-tbatija mibdula f’għajn ta’ tama Aħbarijiet
Papa Franġisku jilqa’ l-Assemblea tal-Fokolari f’udjenza privata Assemblea Ġenerali
Assemblea Ġenerali: Djarju 12 – 5 ta’ Frar, 2021 Aħbarijiet

Laqgħat tal-Fokolari

Segwina fuq Instagram

Kotba

  • Here and Now
  • Tnedija ta’ ktieb: “Paradiso ‘49”
  • Kotba ġodda: “Ngħixu l-Kelma”
  • Conference Calls
  • “Letters 1939-1960”: Getting to know Chiara Lubich through her letters

Focolare News updates

Data policies

  • Id-Data Policies ta’ dan is-sit huma l-istess bħal dawk tal-Arċidjoċesi ta’ Malta.
  • The Data Policies of this website conform to those of the Catholic Archdiocese of Malta.

Safeguarding measures

  • Providing a safe environment
  • Listening points/safe space discussions
  • Guidelines and reports

Media

  • Press Releases
  • New City Press (UK)
  • Living City (NY)
  • Collegamento CH

Siti ta’ interess

  • Focolare International Site
  • Great Britain
  • Ireland
  • Philippines
  • USA & Canada
  • New Families

Copyright © 2026 Focolare Movement Malta | VO/1624 Fondazzjoni Dinja Magħquda – Moviment tal-Fokolari (Malta)