Skip to content
  • Facebook
  • YouTube
  • Instagram
  • Email
Moviment tal-Fokolari

Moviment tal-Fokolari

Malta

  • Home
  • Min aħna
  • Chiara Lubich
  • Kelma tal-Ħajja
  • Attivita’
    • Mariapoli: “Il-Belt ta’ Marija”
    • Families
    • Tfal
    • Żgħażagħ
    • Teens
  • Djalogi
  • Media
  • Kuntatti
  • Multilanguage switcher
  • Toggle search form

29 ta’ Ottubru: it-tifkira tal-Beata Chiara Luce Badano

Posted on October 28, 2021October 10, 2026 By Website Editor

Il-Beata Chiara Luce Badano twieldet f’Sassello fid-29 ta’ Ottubru 1971. Il-koppja Badano kienu ilhom snin jistennew it-twelid ta’ tarbija, u Chiara kienet l-unika tifla li kellhom. Rabbewha f’għożża kbira u tawha edukazzjoni nisranija soda.

IItaqgħet mal-Moviment tal-Fokolari meta kellha 9 snin. Alla-Mħabba kellu l-ewwel post fil-ħajja tagħha, u kienet tagħmel ħilitha kollha biex tirċievi lil Ġesu’ Ewkaristija kuljum. Meta din it-tfalja ħelwa, sportiva u mimlija talenti bdiet tikber, hi wkoll kienet toħlom li tibni familja, iżda kienet tħoss li Ġesu’ huwa “l-Għarus” tagħha u aktar ma beda jgħaddi ż-żmien aktar beda jsir il-“kollox” ta’ ħajjitha.

Kellha 17-il sena meta ġiet milquta minn marda qerrieda. Bdiet għaliha t-triq tal-Kalvarju; kellha tiffaċċa bosta mumenti iebsin, iżda hi għexet din it-tbatija b’serenita’ kbira. Bosta drabi kienet ittenni “Jekk dan hu li trid int Ġesu’, irridu jien ukoll”. Kienet tittrażmetti paċi u ferħ u għalkemm il-forza fiżika tagħha kienet naqset għal kollox, hi kienet tisħaq “imma qalbi għadha hemm u allura għadni nista’ nħobb”.

Meta bdiet tħoss li qed joqrob iż-żmien tat-tluq lejn is-sema, hi bdiet tħejji ruħha bħal qisu għall-festa tat-tieġ. Ftit qabel ma mietet qalet lil ommha: “Kun ferħana, għax jien ferħana!”

Mietet fis-7 ta’ Ottubru 1990, ftit qabel ma għalqet 19-il sena. Kienet iddikjarata venerabbli fit-3 ta’ Lulju 2008, u ġiet ibbeatifikata fil-25 ta’ Settembru 2010.

Ftit ġranet wara l-beatifikazzjoni tagħha, Papa Benedittu XVI kien qal:
“Naħseb li lkoll tafu li fil-25 ta’ Settembru tfalja Taljana, li jisimha Chiara Badano ġiet iddikjarata beata. Nistedinkom issiru tafuha: il-ħajja tagħha kienet qasira, imma l-messaġġ tagħha hu stupend. Twieldet fl-1971 u mietet fl-1990. Dsatax-il sena ta’ ħajja, imħabba u fidi. L-aħħar sentejn kienu mimlija tbatija, iżda hi dejjem wasslet l-imħabba u d-dawl li kienu ħerġin minn qalb mimlija b’Alla. Kif jista’ jkun li tfajla ta’ 17, 18-il sena tgħix tbatija bħal din, bla ebda tama ta’ fejqan u xxerred madwarha mħabba, serenita’, paċi u fidi?

Hu ċar li din hi grazzja t’Alla, imma ma’ din il-grazzja kien hemm ukoll il-kollaborazzjoni umana: il-kollaborazzjoni ta’ Chiara stess, u anki dik tal-ġenituri tagħha u ta’ ħbiebha…”.

Aħbarijiet

Post navigation

Previous Post: Jum Dinji taż-Żgħażagħ 2023
Next Post: Kelma tal-Ħajja ta’ Novembru 2021

More Related Articles

Melita Theologica Journal: “Two Magnetic Personalities Bridging the Twentieth and the Twenty First Centuries” Aħbarijiet
The newness of the Spirit Aħbarijiet
Mariapoli 2025 Aħbarijiet
Emergency aid to the people in the Ukraine Aħbarijiet
Chiara Lubich: “Generating Peace” Aħbarijiet
Papa Franġisku: “Id-dinja għandha bżonn tal-bennejja tal-għaqda u l-paċi” Aħbarijiet

Laqgħat tal-Fokolari

Segwina fuq Instagram

Kotba

  • Here and Now
  • Tnedija ta’ ktieb: “Paradiso ‘49”
  • Kotba ġodda: “Ngħixu l-Kelma”
  • Conference Calls
  • “Letters 1939-1960”: Getting to know Chiara Lubich through her letters

Focolare News updates

Safeguarding

Providing a safe environment
Listening points/safe space discussions
Guidelines and reports

Data policies

  • Id-Data Policies ta’ dan is-sit huma l-istess bħal dawk tal-Arċidjoċesi ta’ Malta.
  • The Data Policies of this website conform to those of the Catholic Archdiocese of Malta.

Safeguarding measures

  • Providing a safe environment
  • Listening points/safe space discussions
  • Guidelines and reports

Media

  • Press Releases
  • New City Press (UK)
  • Living City (NY)
  • Collegamento CH

Siti ta’ interess

  • Focolare International Site
  • Great Britain
  • Ireland
  • Philippines
  • USA & Canada
  • New Families

VO/1624 Fondazzjoni Dinja Magħquda - Moviment tal-Fokolari (Malta). Copyright © 2026 Moviment tal-Fokolari.

Powered by PressBook Blog WordPress theme

Privacy Settings

This site uses cookies and similar technologies. You can accept, deny, or customise non-essential categories. This tool helps manage consent choices; it is not legal advice.

Essential
Statistics
Functional
Marketing
Powered by ConsentBase | PAPEPO