Skip to content
  • Facebook
  • YouTube
  • Instagram
  • Email
Moviment tal-Fokolari

Moviment tal-Fokolari

Malta

  • Home
  • Min aħna
  • Chiara Lubich
  • Kelma tal-Ħajja
  • Attivita’
    • Mariapoli: “Il-Belt ta’ Marija”
    • Families
    • Tfal
    • Żgħażagħ
    • Teens
  • Djalogi
  • Media
  • Kuntatti
  • Multilanguage switcher
  • Toggle search form

Ngħixu l-Vanġelu

Posted on December 13, 2018September 23, 2026 By Website Editor No Comments on Ngħixu l-Vanġelu

Smajt it-telefon iċempel. Kelli tentazzjoni kbira li ma mmurx naqbdu biex inwieġeb, iżda ftakart fil-Kelma tal-Ħajja: “Qiegħed inħabbat…..” u ddeċidejt li mmur nara min kien. Kienet il-mara ta’ persuna li żewġi u jien konna ilna ngħinuh għal xi żmien. Qaltli li kellhom problema: il-flus ma kienux qed iservuhom u talbet l-għajnuna. Propju dakinhar kont qed naħseb li wasalt biex nixtri żarbun ġdid għax-xitwa għax dak li kelli ma kienx għadu tajjeb għal riġlejja wara l-inċident li kelli. Iżda għidt li issa din il-persuna hawn quddiemi u hemm bżonn niftaħ qalbi għaliha. Għidtilha li xtaqt nitkellem ma’ żewġi u mbagħad inċemplilha. Meta ġie żewġi tkellimt miegħu u rajna li stajna nagħtuha xi ftit tal-għajnuna; stajna nagħtuha l-flus li bihom kont ser nixtri ż-żarbun.

Dħalt fi klassi ġdida fejn kelli nagħti lezzjoni lil wieħed student li sħabi kienu jgħidu li kien diffiċli ħafna u ma tantx iġib ruħu sew. Ħsibt li qabel nibda l-lezzjonijiet miegħu, ikun aħjar jekk niddedika l-ħin biex insir nafu u niftaħ djalogu miegħu. S’issa mhu qed insib ebda problema; joqgħod tassew attent u jġib ruħu tassew tajjeb.

Kienet waslet il-ġurnata tal-Ħadd u għidna: sa fl-aħħar ħadd minna ma għandu x’impenn! Iżda ġiet f’moħħi familja li kienet għaddejja minn żmien diffiċli u għidt: dawn ser ikunu waħidhom, x’ser jieklu? Tkellimt ma’ żewġi, għamilna xirja u stedinna lil din il-familja biex jiġu jieklu għandna. It-tfal kienu tassew kuntenti! Ilkoll ħassejna ferħ u paċi kbira. Filgħaxija ma konniex għajjenin: ħassejna l-mistrieħ tal-preżenza ta’ Ġesu’ fejn ikun hemm l-imħabba.

Ġurnata waħda, ħabiba tiegħi, li toqgħod ‘l bogħod, talbitni nkellem lil xi ħadd jiġi minnha u joqgħod fl-istess lokal fejn noqgħod jien. Xtaqet li nara x’nista’ nagħmel minħabba xi tilwim li nqala’ fil-familja. Għalkemm lil dan ir-raġel ma tantx kont nafu, għamilt ħilti u mort niltaqa’ miegħu. Smajtu tassew b’qalb miftuħa. Inħoss li s-sitwazzjoni bdiet ġejja għall-aħjar, iżda l-avventura għadha għaddejja. Sar l-ewwel pass u l-ħabiba tiegħi kienet tassew grata; qaltli: “Int biss taf x’għandek tgħid f’din is-sitwazzjoni”.

Aħbarijiet

Post navigation

Previous Post: Watch: Public lecture by Prof. Judith Povilus
Next Post: Għeluq il-mitt sena mit-twelid ta’ Chiara Lubich (1920-2020)

Leave a Reply Cancel reply

Your email address will not be published. Required fields are marked *

Laqgħat tal-Fokolari

Segwina fuq Instagram

Kotba

  • Here and Now
  • Tnedija ta’ ktieb: “Paradiso ‘49”
  • Kotba ġodda: “Ngħixu l-Kelma”
  • Conference Calls
  • “Letters 1939-1960”: Getting to know Chiara Lubich through her letters

Focolare News updates

Data policies

  • Id-Data Policies ta’ dan is-sit huma l-istess bħal dawk tal-Arċidjoċesi ta’ Malta.
  • The Data Policies of this website conform to those of the Catholic Archdiocese of Malta.

Safeguarding measures

  • Providing a safe environment
  • Listening points/safe space discussions
  • Guidelines and reports

Media

  • Press Releases
  • New City Press (UK)
  • Living City (NY)
  • Collegamento CH

Siti ta’ interess

  • Focolare International Site
  • Great Britain
  • Ireland
  • Philippines
  • USA & Canada
  • New Families

Copyright © 2026 Focolare Movement Malta | VO/1624 Fondazzjoni Dinja Magħquda – Moviment tal-Fokolari (Malta)