Skip to content
  • Facebook
  • YouTube
  • Instagram
  • Email
Moviment tal-Fokolari

Moviment tal-Fokolari

Malta

  • Home
  • Min aħna
  • Chiara Lubich
  • Kelma tal-Ħajja
  • Attivita’
    • Mariapoli: “Il-Belt ta’ Marija”
    • Families
    • Tfal
    • Żgħażagħ
    • Teens
  • Djalogi
  • Media
  • Kuntatti
  • Multilanguage switcher
  • Toggle search form

Il-Papa lill-Isqfijiet minn Knejjes differenti: “L-Unita’ mhijiex uniformita’; hi komunjoni”

Posted on September 28, 2021November 17, 2026 By Website Editor
© Vatican Media

Minn Diskors ta’ Papa Franġisku lill-Isqfijiet Ħbieb tal-Moviment tal-Fokolari

Sala tal-Papiet
Is-Sibt, 25 ta’ Settembru, 2021

Għeżież ħuti,
Minn qalbi nagħtikom merħba, u grazzi ta’ din il-laqgħa, ukoll jekk il-parti l-kbira minnkom qed jieħdu sehem mill-bogħod. (…) Nirringrazzja lill-Isqfijiet li ppreżentaw l-esperjenza ta’ dawn il-laqgħat li ilhom isiru erbgħin sena. Mixja ta’ ħbiberija li għandha għeruq qawwija, għeruq sodi. Fuq dan nixtieq nirrifletti magħkom.

(…) il-Moviment tal-Fokolari, dejjem ħa ħsieb it-tifsira u l-qadi għall-unità; għamel dan permezz tal-kariżma li rċieva mill-fundatriċi Chiara Lubich: unità fil-Knisja, unità fost dawk kollha li jemmnu, unità fid-dinja kollha (…). Kien fi żmien il-feriti u l-qerda tal-gwerra, li l-Ispirtu poġġa fil-qalb żagħżugħa ta’ Chiara żerriegħa ta’ fraternità, żerriegħa ta’ komunjoni;. li minn dak il-grupp ċkejken ta’ ħbieb fi Trento, żviluppat u kibret, fil-waqt li attirat rġiel u nisa ta’ kull ilsien u kull nazzjoni bil-qawwa tal-imħabba t’Alla li toħloq l-għaqda bla ma ġġib fix-xejn id-diversità, anzi, billi tagħtiha valur u tarmonizzaha. (..)

© Vatican Media

Hija ċara l-“parentela” –biex insejħilha hekk – li hemm bejn din il-kariżma u l-ministeru tal-isqfijiet. Aħna l-isqfijiet qegħdin għas-servizz tal-poplu t’Alla, biex hu jinbena fl-unità tal-fidi, tat-tama u tal-imħabba. L-Ispirtu s-Santu jnaqqax fil-qalb tal-Isqof ir-rieda tal-Mulej Ġesù: li l-insara jkunu lkoll ħaġa waħda biex jagħtu glorja lil Alla Wieħed fi Tliet Persuni u biex id-dinja temmen f’Ġesù Kristu (ara Ġw17,21). Papa, isqfijiet, aħna qegħdin għas-servizz ta’ unità li mhijiex xi ħaġa esterna, mhijiex “uniformità”, le, imma li hi għall-misteru ta’ komunjoni, li hi l-Knisja fi Kristu u fl-Ispirtu s-Santu, il-Knisja bħala Ġisem ħaj, bħala poplu miexi fl-istorja u fl-istess ħin aktar ‘l hemm mill-istorja. Poplu mibgħut fid-dinja biex jagħti xhieda ta’ Kristu, ħalli Hu, Lumen gentium, Dawl tal-ġnus jkun jista’ jiġbed lil kulħadd lejh, bil-qawwa umli u ħanina tal-Misteru tal-qawmien.

Għeżież ħuti, nista’ ngħid li din hi “l-ħolma” t’Alla. Il-pjan tiegħu hu li jirrikonċilja u jarmonizza kollox fi Kristu (ara Ef 1,10; Kol 1,20). Din hi wkoll il-“ħolma” tal-fraternità, li għaliha ddedikajt l-Enċiklika Fratelli tutti. Quddiem id-“dlam ta’ dinja magħluqa”, fejn tant ħolm ta’ unità “qed jitfarrak”, (…) l-Ispirtu qed isejħilna biex “ikollna l-kuraġġ (…) nkunu lkoll ħaġa waħda” kif jgħid it-titlu tal-laqgħa tagħkom. Nilqgħu l-isfida tal-unità. U nibdew billi nagħrfu li l-unità hi don (..).

Huma fuq kollox il-qaddisin li jagħtuna xhieda tal-kuraġġ għall-unità. Ftit ilu ċċelebrajna t-tifkira ta’ San Kornelju, Papa u San Ċipriano, Isqof. Dan tal-aħħar tana d-definizzjoni stupenda tal-Knisja bħala «poplu miġbur fl-għaqda tal-Missier, tal-Iben u tal-Ispirtu s-Santu». Iżda naħsbu wkoll fil-ħafna xhieda ta’ żminijietna, rgħajja u lajċi li b’kuraġġ jaħdmu għall-unità, u li xi drabi iħallsu prezz għoli ħafna b’ħajjithom stess. Għax l-unità li tana u jagħtina Ġesù Kristu mhijiex umaneżmu, mhijiex qbil akkost ta’ kollox. Din tobdi kriterju fundamentali, li hu r-rispett tal-persuna, ir-rispett lejn il-wiċċ tal-persuna l-oħra, l-aktar tal-fqir, taż-żgħir, tal-iskartat.

Għeżież ħuti, mill-ġdid nirringrazzjakom għal din il-laqgħa. Nirringrazzjakom fuq kollox tal-impenn li bih qed tagħmlu din il-mixja ta’ ħbiberija. Nirrakkomandalkom li żżommuha dejjem miftuħa u qatt esklussiva, biex tikber fil-qadi tal-komunjoni. Komplu tbissmu għax din hi parti mill-kariżma tagħkom. Jien nitlob għalikom u għall-komunitajiet tagħkom. Il-Mulej iberikkom u l-Madonna tieħu ħsiebkom. U jekk jogħġobkom tinsewx titolbu għalija”.

Aħbarijiet Tags:Papa Franġisku

Post navigation

Previous Post: Mariapolis 2021
Next Post: Kelma tal-Ħajja ta’ Ottubru 2021

More Related Articles

Papa Franġisku: Kollox fi Kristu Spiritwalita'
Papa Franġisku: Nroddu hajr għal dan l-eżempju straordinarju Aħbarijiet
Grazzi, għażiż Papa Franġisku Aħbarijiet

Laqgħat tal-Fokolari

Segwina fuq Instagram

Kotba

  • Here and Now
  • Tnedija ta’ ktieb: “Paradiso ‘49”
  • Kotba ġodda: “Ngħixu l-Kelma”
  • Conference Calls
  • “Letters 1939-1960”: Getting to know Chiara Lubich through her letters

Focolare News updates

Data policies

  • Id-Data Policies ta’ dan is-sit huma l-istess bħal dawk tal-Arċidjoċesi ta’ Malta.
  • The Data Policies of this website conform to those of the Catholic Archdiocese of Malta.

Safeguarding measures

  • Providing a safe environment
  • Listening points/safe space discussions
  • Guidelines and reports

Media

  • Press Releases
  • New City Press (UK)
  • Living City (NY)
  • Collegamento CH

Siti ta’ interess

  • Focolare International Site
  • Great Britain
  • Ireland
  • Philippines
  • USA & Canada
  • New Families

Copyright © 2026 Focolare Movement Malta | VO/1624 Fondazzjoni Dinja Magħquda – Moviment tal-Fokolari (Malta)