Vapur Skola qed ibaħħar fil-Mediterran minn Marzu sa Ottubru 2025 biex iwettaq missjoni ta’ paċi. Dan Il-vapur telaq minn Barcellona u ser jieqaf f’diversi portijiet u pajjiżi f’dan ir-reġjun. L-istudenti li qed jagħmlu dan il-vjaġġ ser ikollhom iċ-ċans jesploraw topics importanti, bħal: Djalogu bejn il-Kulturi, Edukazzjoni u Soċjeta’, Reliġjonijiet fi Djalogu, Ambjent u Żvilupp, Kristjaneżmu fil-Lvant u l-Punent .
Dan il-vapur dalwaqt jidħol fil-Port il-Kbir ta’ Malta, u fis- 27, 28 u 29 ta’ dan ix-xahar, l-istudenti li hemm fuqu ser ikomplu bil-programm tagħhom fil-gżejjer tagħna, fejn ser jiffukaw fuq it-tema: In-Nisa fil-Mediterran.
Il-higħlight taż-żjara tagħhom fostna ser tkun konferenza miftuħa għall-pubbliku li ser issir fil-Mediterranean Conference Centre, il-Ħadd, 27 ta’ April fl-4.00pm. Għal aktar dettalji ara: https://mela.org.mt/conference.
Med 25 Bel Espoir qed toffri opportunita’ unika biex tippromwovi l-fraternita’ fil-Mediterran. Il-Moviment tal-Fokolari hawnhekk qed joffri li jagħtu s-sehmu matul dawn il-jiem fil-waqt li jħaddan bis-sħiħ l-ispirtu ta’ fraternità.
Be the first to comment